بابائے صحافت مولانا ظفر علی خان
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ﻣﻮﻻﻧﺎ ﻇﻔﺮ ﻋﻠﯽ ﺧﺎﻥ 19 ﺟﻨﻮﺭﯼ ، 1873 ﺀ ﻣﯿﮟ ﮐﻮﭦ ﻣﯿﺮﭨﮫ ﺷﮩﺮ ﻭﺯﯾﺮ ﺁﺑﺎﺩ ﻣﯿﮟ ﭘﯿﺪﺍ ﮨﻮﺋﮯ۔
ﺍﻧﮩﻮﮞ ﻧﮯ ﺍﭘﻨﯽ ﺍﺑﺘﺪﺍﺋﯽ ﺗﻌﻠﯿﻢ ﻣﺸﻦ ﮨﺎﺋﯽ ﺍﺳﮑﻮﻝ ﻭﺯﯾﺮ ﺁﺑﺎﺩ ﺳﮯ ﻣﮑﻤﻞ ﮐﯽ ﺍﻭﺭ ﮔﺮﯾﺠﻮﯾﺸﻦ ﻋﻠﯽ ﮔﮍﮪ ﻣﺴﻠﻢ ﯾﻮﻧﯿﻮﺭﺳﭩﯽ ﺳﮯ ﮐﯽ۔ ﮐﭽﮫ ﻋﺮﺻﮧ ﻭﮦ ﻧﻮﺍﺏ ﻣﺤﺴﻦ ﺍﻟﻤﻠﮏ ﮐﮯ ﻣﻌﺘﻤﺪ ( Secretary ) ﮐﮯ ﻃﻮﺭ ﭘﺮ ﺑﻤﺒﺌﯽ ﻣﯿﮟ ﮐﺎﻡ ﮐﺮﺗﮯ ﺭﮨﮯ۔ ﺍﺱ ﮐﮯ ﺑﻌﺪ ﮐﭽﮫ ﻋﺮﺻﮧ ﻣﺘﺮﺟﻢ ﮐﯽ ﺣﯿﺜﯿﺖ ﺳﮯ ﺣﯿﺪﺭﺁﺑﺎﺩ ﺩﮐﻦ ﻣﯿﮟ ﮐﺎﻡ ﮐﯿﺎ ﺍﻭﺭ ﻣﺤﮑﻤﮧ ﺩﺍﺧﻠﮧ ( Home Department ) ﮐﮯ ﻣﻌﺘﻤﺪ ﮐﮯ ﻋﮩﺪﮮ ﭘﺮ ﺑﮭﯽ ﻓﺎﺋﺰ ﺭﮨﮯ۔ ﺍﺧﺒﺎﺭ " ﺩﮐﻦ ﺭﯾﻮﯾﻮ " ﺟﺎﺭﻱ ﻛﻴﺎ ﺍﻭﺭ ﺑﮩﺖ ﺳﯽ ﮐﺘﺎﺑﯿﮟ ﺗﺼﻨﯿﻒ ﮐﺮﮐﮯ ﺍﭘﻨﯽ ﺣﯿﺜﯿﺖ ﺑﻄﻮﺭ ﺍﺩﯾﺐ ﻭ ﺻﺤﺎﻓﯽ ﺧﺎﺻﯽ ﻣﺴﺘﺤﮑﻢ ﮐﯽ۔
ﺯﻣﯿﻨﺪﺍﺭ ﮐﯽ ﺍﺩﺍﺭﺕ:
1908 ﺀ ﻣﯿﮟ ﻻﮨﻮﺭ ﺁﺋﮯ، ﺭﻭﺯﻧﺎﻣﮧ ﺯﻣﯿﻨﺪﺍﺭ ﮐﯽ ﺍﺩﺍﺭﺕ ﺳﻨﺒﮭﺎﻟﯽ ﺟﺴﮯ ﺍﻥ ﮐﮯ ﻭﺍﻟﺪ ﻣﻮﻟﻮﯼ ﺳﺮﺍﺝ ﺍﻟﺪﯾﻦ ﺍﺣﻤﺪ ﻧﮯ 1903 ﺀ ﻣﯿﮟ ﺷﺮﻭﻉ ﮐﯿﺎ ﺗﮭﺎ۔
ﻣﻮﻻﻧﺎ ﮐﻮ " ﺍﺭﺩﻭ ﺻﺤﺎﻓﺖ ﮐﺎ ﺍﻣﺎﻡ " ﮐﮩﺎ ﺟﺎﺗﺎ ﮨﮯ ﺍﻭﺭ ﺯﻣﯿﻨﺪﺍﺭ ﺍﯾﮏ ﻣﻮﻗﻊ ﭘﺮ ﭘﻨﺠﺎﺏ ﮐﺎ ﺳﺐ ﺳﮯ ﺍﮨﻢ ﺍﺧﺒﺎﺭ ﺑﻦ ﮔﯿﺎ ﺗﮭﺎ۔ ﺯﻣﯿﻨﺪﺍﺭ ﺍﯾﮏ ﺍﺭﺩﻭ ﺍﺧﺒﺎﺭ ﺗﮭﺎ ﺟﻮ ﺑﻄﻮﺭ ﺧﺎﺹ ﻣﺴﻠﻤﺎﻧﻮﮞ ﮐﮯ ﻟﯿﮯ ﻧﮑﺎﻻ ﮔﯿﺎ ﺗﮭﺎ۔ ﺍﺱ ﺍﺧﺒﺎﺭ ﻧﮯ ﻣﺴﻠﻤﺎﻧﻮﮞ ﮐﯽ ﺑﯿﺪﺍﺭﯼ ﺍﻭﺭ ﺍﻥ ﮐﮯ ﺳﯿﺎﺳﯽ ﺷﻌﻮﺭ ﮐﯽ ﺗﺮﺑﯿﺖ ﮐﺮﻧﮯ ﻣﯿﮟ ﮐﻠﯿﺪﯼ ﮐﺮﺩﺍﺭ ﺍﺩﺍ ﮐﯿﺎ ﺑﺎﻭﺟﻮﺩ ﺍﺱ ﺣﻘﯿﻘﺖ ﮐﮯ ﮐﮧ ﺍﺱ ﮐﯽ ﺍﺷﺎﻋﺖ ﻣﺤﺪﻭﺩ ﺗﮭﯽ ﺍﻭﺭ ﻣﺴﻠﻤﺎﻧﻮﮞ ﮐﮯ ﭘﺎﺱ ﻧﮧ ﺻﻨﻌﺖ ﺗﮭﯽ ﻧﮧ ﺗﺠﺎﺭﺕ ﺟﺲ ﮐﯽ ﻭﺟﮧ ﺳﮯ ﺍﺷﺘﮩﺎﺭﺍﺕ ﮐﯽ ﺗﻌﺪﺍﺩ ﺍﺗﻨﯽ ﮐﻢ ﺗﮭﯽ ﮐﮧ ﺍﺧﺒﺎﺭ ﮐﻮ ﭼﻼﻧﺎ ﺟﺎﻥ ﺟﻮﮐﮭﻮﮞ ﮐﺎ ﮐﺎﻡ ﺗﮭﺎ۔ ﺑﻌﺾ ﺍﻭﻗﺎﺕ ﺍﯾﺴﯽ ﺻﻮﺭﺕ ﺑﮭﯽ ﭘﯿﺪﺍ ﮨﻮ ﺟﺎﺗﯽ ﺗﮭﯽ ﮐﮧ ﻋﻤﻠﮯ ﮐﻮ ﺗﻨﺨﻮﺍﮦ ﺩﯾﻨﮯ ﮐﮯ ﻟﯿﮯ ﭘﯿﺴﮯ ﺑﮭﯽ ﻧﮩﯿﮟ ﮨﻮﺗﮯ ﺗﮭﮯ۔
ﮐﺎﻣﺮﯾﮉ ﺍﻭﺭ ﺯﻣﯿﻨﺪﺍﺭ:
ﻣﻮﻻﻧﺎ ﻧﮯ ﺻﺤﺎﻓﯿﺎﻧﮧ ﺯﻧﺪﮔﯽ ﮐﯽ ﺷﺮﻭﻋﺎﺕ ﺍﻧﺘﮩﺎﺋﯽ ﺩﺷﻮﺍﺭ ﮔﺰﺍﺭ ﺍﻭﺭ ﻧﺎﻣﻮﺍﻓﻖ ﺣﺎﻻﺕ ﻣﯿﮟ ﮐﯽ۔ ﺍﺱ ﺯﻣﺎﻧﮯ ﻣﯿﮟ ﻻﮨﻮﺭ ﺍﺷﺎﻋﺖ ﮐﺎ ﻣﺮﮐﺰ ﺗﮭﺎ ﺍﻭﺭ ﺗﯿﻨﻮﮞ ﺑﮍﮮ ﺍﺧﺒﺎﺭ
ﭘﺮﺗﺎﺏ ، ﻣﺤﺮﺍﺏ ﺍﻭﺭ ﻭﯼ ﺑﮭﺎﺭﺕ ﮨﻨﺪﻭ ﻣﺎﻟﮑﺎﻥ ﮐﮯ ﭘﺎﺱ ﺗﮭﮯ ۔ ﺍﺳﯽ ﺩﻭﺭ ﻣﯿﮟ ﻣﻮﻻﻧﺎ ﺍﻭﺭ ﺯﻣﯿﻨﺪﺍﺭ ﻧﮯ ﺗﺤﺮﯾﮏ ﭘﺎﮐﺴﺘﺎﻥ ﮐﮯ ﻟﯿﮯ ﺑﮯ ﻟﻮﺙ ﺧﺪﻣﺎﺕ ﺍﻧﺠﺎﻡ ﺩﯾﮟ ۔ ﮐﺎﻣﺮﯾﮉ ( ﻣﻮﻻﻧﺎ ﻣﺤﻤﺪ ﻋﻠﯽ ﺟﻮﮨﺮ ﮐﺎ ﺍﺧﺒﺎﺭ ) ﺍﻭﺭ ﺯﻣﯿﻨﺪﺍﺭ ﺩﻭ ﺍﯾﺴﮯ ﺍﺧﺒﺎﺭ ﺗﮭﮯ ﺟﻦ ﮐﯽ ﺍﮨﻤﯿﺖ ﺗﺤﺮﯾﮏ ﭘﺎﮐﺴﺘﺎﻥ ﻣﯿﮟ ﻣﺴﻠﻢ ﮨﮯ ﺍﻭﺭ ﺩﻭﻧﻮﮞ ﮐﮯ ﮐﺮﺩﺍﺭ ﮐﻮ ﺑﯿﮏ ﻭﻗﺖ ﺗﺴﻠﯿﻢ ﮐﯿﺎ ﺟﺎﻧﺎ ﭼﺎﮨﯿﮯ۔ 1934 ﺀ ﻣﯿﮟ ﺟﺐ ﭘﻨﺠﺎﺏ ﺣﮑﻮﻣﺖ ﻧﮯ ﺍﺧﺒﺎﺭ ﭘﺮ ﭘﺎﺑﻨﺪﯼ ﻋﺎﺋﺪ ﮐﯽ ﺗﻮ ﻣﻮﻻﻧﺎ ﻇﻔﺮ ﻋﻠﯽ ﺧﺎﻥ ﺟﻮ ﺍﭘﻨﯽ ﺟﺮﺍﺕ ﺍﻭﺭ ﺷﺎﻧﺪﺍﺭ ﻋﺰﻡ ﮐﮯ ﻣﺎﻟﮏ ﺗﮭﮯ ﺍﻧﮩﻮﮞ ﻧﮯ ﺣﮑﻮﻣﺖ ﭘﺮ ﻣﻘﺪﻣﮧ ﮐﺮﺩﯾﺎ ﺍﻭﺭ ﻋﺪﻟﯿﮧ ﮐﮯ ﺫﺭﯾﻌﮯ ﺣﮑﻮﻣﺖ ﮐﻮ ﺍﭘﻨﮯ ﺍﺣﮑﺎﻣﺎﺕ ﻭﺍﭘﺲ ﻟﯿﻨﮯ ﭘﺮ ﻣﺠﺒﻮﺭ ﮐﺮ ﺩﯾﺎ۔ ﺍﮔﻠﮯ ﺩﻥ ﺍﻧﮩﻮﮞ ﻧﮯ ﺍﻟﻠﮧ ﮐﺎ ﺷﮑﺮ ﺍﺩﺍ ﮐﯿﺎ ﺍﻭﺭ ﺍﯾﮏ ﻃﻮﯾﻞ ﻧﻈﻢ ﻟﮑﮭﯽ ﺟﺲ ﮐﮯ ﺍﺑﺘﺪﺍﺋﯽ ﺍﺷﻌﺎﺭ ﯾﮧ ﮨﯿﮟ
ﯾﮧ ﮐﻞ ﻋﺮﺵ ﺍﻋﻈﻢ ﺳﮯ ﺗﺎﺭ ﺁﮔﯿﺎ
ﺯﻣﯿﻨﺪﺍﺭ ﮨﻮﮔﺎ ﻧﮧ ﺗﺎ ﺣﺸﺮ ﺑﻨﺪ
ﺗﺮﯼ ﻗﺪﺭﺕ ﮐﺎﻣﻠﮧ ﮐﺎ ﯾﻘﯿﻦ
ﻣﺠﮭﮯ ﻣﯿﺮﮮ ﭘﺮﻭﺭﺩﮔﺎﺭ ﺁﮔﯿﺎ
ﺯﻣﯿﻨﺪﺍﺭ ﺍﻭﺭ ﭘﻨﺠﺎﺏ:
" ﺟﺪﯾﺪ ﻣﺴﻠﻢ ﮨﻨﺪﻭﺳﺘﺎﻥ ﺍﻭﺭ ﻗﯿﺎﻡ ﭘﺎﮐﺴﺘﺎﻥ " ( Modern Muslim India and the Birth of Pakistan ) ﻣﯿﮟ
ﮈﺍﮐﭩﺮ ﺍﯾﺲ ﺍﯾﻢ ﺍﮐﺮﺍﻡ ﻟﮑﮭﺘﮯ ﮨﯿﮟ
” ﻭﮦ ﺟﻮﺍﻥ ، ﺯﻭﺭ ﺁﻭﺭ ﺍﻭﺭ ﺟﺮﺍﺕ ﻣﻨﺪ ﺗﮭﮯ ﺍﻭﺭ ﻧﺌﮯ ﺳﯿﺎﺳﯽ ﺍﻃﻮﺍﺭ ﮐﺎ ﭘﺮﺟﻮﺵ ﺍﻧﺪﺍﺯ ﻣﯿﮟ ﺳﺎﻣﻨﺎ ﮐﯿﺎ۔ ﺍﻥ ﮐﯽ ﺍﺩﺍﺭﺕ ﻣﯿﮟ ﺯﻣﯿﻨﺪﺍﺭ ﺷﻤﺎﻟﯽ ﮨﻨﺪ ﮐﺎ ﺳﺐ ﺳﮯ ﺍﺛﺮ ﺍﻧﮕﯿﺰ ﺍﺧﺒﺎﺭ ﺑﻦ ﮔﯿﺎ ﺍﻭﺭ ﺧﻼﻓﺖ ﺗﺤﺮﯾﮏ ﻣﯿﮟ ﺍﻥ ﺳﮯ ﺯﯾﺎﺩﮦ ﻓﻌﺎﻝ ﮐﺮﺩﺍﺭ ﺻﺮﻑ ﻋﻠﯽ ﺑﺮﺍﺩﺭﺍﻥ ﺍﻭﺭ ﻣﻮﻻﻧﺎ ﺍﺑﻮ ﺍﻟﮑﻼﻡ ﺁﺯﺍﺩ ﮨﯽ ﺗﮭﮯ۔ “
ﯾﮧ ﺑﺎﺕ ﻗﺎﺑﻞ ﺫﮐﺮ ﮨﮯ ﮐﮧ ﭘﻨﺠﺎﺏ ﭘﺎﮐﺴﺘﺎﻥ ﮐﺎ ﻭﺍﺣﺪ ﺻﻮﺑﮧ ﺗﮭﺎ ﺟﺲ ﻧﮯ ﺍﺭﺩﻭ ﮐﻮ ﺍﭘﻨﯽ ﺯﺑﺎﻥ ﮐﮯ ﻃﻮﺭ ﭘﺮ ﺍﭘﻨﺎﯾﺎ ﺍﻭﺭ ﺍﺳﮯ ﮐﺎﻡ ﮐﯽ ﺯﺑﺎﻥ ﺑﻨﺎﯾﺎ ﺑﺎﻭﺟﻮﺩ ﺍﺱ ﮐﮯ ﮐﮧ ﭘﻨﺠﺎﺑﯽ ﺍﺱ ﺻﻮﺑﮯ ﮐﯽ ﻣﺎﺩﺭﯼ ﺯﺑﺎﻥ ﮨﮯ ﺍﻭﺭ ﺳﺐ ﺳﮯ ﺯﯾﺎﺩﮦ ﺑﻮﻟﯽ ﺟﺎﺗﯽ ﮨﮯ۔ ﭘﻨﺠﺎﺑﯽ ﮐﺎ ﺍﺻﻞ ﺭﺳﻢ ﺍﻟﺨﻂ ﮔﻮﺭﻣﮑﮭﯽ ﮐﻮ ﻣﺴﻠﻤﺎﻧﻮﮞ ﻧﮯ ﺍﺱ ﻟﯿﮯ ﻧﮩﯿﮟ ﺍﭘﻨﺎﯾﺎ ﮐﮧ ﯾﮧ ﺳﮑﮫ ﻣﺬﮨﺐ ﺳﮯ ﺟﮍﺍ ﮨﻮﺍ ﺗﮭﺎ۔ ﺍﺱ ﻃﺮﺡ ﺍﺭﺩﻭ ﺍﻧﮕﺮﯾﺰﯼ ﮐﮯ ﺳﺎﺗﮫ ﭘﻨﺠﺎﺏ ﮐﯽ ﺍﮨﻢ ﻟﮑﮭﯽ ﺟﺎﻧﮯ ﻭﺍﻟﯽ ﺯﺑﺎﻥ ﺑﻦ ﮔﺌﯽ ﺍﻭﺭ ﺩﻭﻧﻮﮞ ﺗﻘﺮﯾﺒﺎ ﺍﯾﮏ ﺟﺘﻨﯽ ﻣﻘﺪﺍﺭ ﻣﯿﮟ ﺳﺮﮐﺎﺭﯼ ﺍﻭﺭ ﺗﻌﻠﯿﻤﯽ ﺯﺑﺎﻥ ﮐﮯ ﻃﻮﺭ ﭘﺮ ﺍﺳﺘﻌﻤﺎﻝ ﮨﻮﺗﯽ ﺭﮨﯿﮟ۔
ﮐﺘﺎﺑﯿﮟ
ﻣﻮﻻﻧﺎ ﻇﻔﺮ ﻋﻠﯽ ﺧﺎﻥ ﻏﯿﺮ ﻣﻌﻤﻮﻟﯽ ﻗﺎﺑﻠﯿﺖ ﮐﮯ ﺣﺎﻣﻞ ﺧﻄﯿﺐ ﺍﻭﺭ ﺍﺳﺘﺜﻨﺎﺋﯽ ﻣﻌﯿﺎﺭ ﮐﮯ ﺍﻧﺸﺎ ﭘﺮﺩﺍﺯ ﺗﮭﮯ۔ ﺻﺤﺎﻓﺖ ﮐﯽ ﺷﺎﻧﺪﺍﺭ ﻗﺎﺑﻠﯿﺖ ﮐﮯ ﺳﺎﺗﮫ ﺳﺎﺗﮫ ﻣﻮﻻﻧﺎ ﻇﻔﺮ ﻋﻠﯽ ﺧﺎﻥ ﺷﺎﻋﺮﯼ ﮐﮯ ﺑﮯ ﻣﺜﺎﻝ ﺗﺤﻔﮧ ﺳﮯ ﺑﮭﯽ ﻣﺎﻻ ﻣﺎﻝ ﺗﮭﮯ۔ ﺍﻥ ﮐﯽ ﻧﻈﻤﯿﮟ ﻣﺬﮨﺒﯽ ﺍﻭﺭ ﺳﯿﺎﺳﯽ ﻧﮑﺘﮧ ﻧﻈﺮ ﺳﮯ ﺑﮩﺘﺮﯾﻦ ﮐﺎﻭﺷﯿﮟ ﮐﮩﻼﺗﯽ ﮨﯿﮟ۔ ﻭﮦ ﺍﺳﻼﻡ ﮐﮯ ﺳﭽﮯ ﺷﯿﺪﺍﺋﯽ، ﻣﺤﺐ ﺭﺳﻮﻝ ﺻﻠﯽ ﺍﻟﻠﮧ ﻋﻠﯿﮧ ﻭ ﺁﻟﮧ ﻭﺳﻠﻢ ﺍﻭﺭ ﺍﭘﻨﯽ ﻧﻌﺖ ﮔﻮﺋﯽ ﮐﮯ ﻟﯿﮯ ﻣﺸﮩﻮﺭ ﻭ ﻣﻌﺮﻭﻑ ﮨﯿﮟ۔
ﺍﻥ ﮐﯽ ﺷﺎﻋﺮﺍﻧﮧ ﮐﺎﻭﺷﯿﮟ ﺑﮩﺎﺭﺳﺘﺎﻥ ، ﻧﮕﺎﺭﺳﺘﺎﻥ ﺍﻭﺭ ﭼﻤﻨﺴﺘﺎﻥ ﮐﯽ ﺷﮑﻞ ﻣﯿﮟ ﭼﮭﭗ ﭼﮑﯽ ﮨﯿﮟ۔ ﺍﻥ ﮐﯽ ﻣﺸﮩﻮﺭ ﮐﺘﺎﺑﯿﮟ ﺩﺭﺝ ﺫﯾﻞ ﮨﯿﮟ :
ﻣﻌﺮﮐﮧ ﻣﺬﮨﺐ ﻭ ﺳﺎﺋﻨﺲ
ﻏﻠﺒﮧ ﺭﻭﻡ
ﺳﯿﺮ ﻇﻠﻤﺖ
ﺟﻨﮓ ﺭﻭﺱ ﻭ ﺟﺎﭘﺎﻥ
ﻭﮦ ﻣﯿﻠﮧ ﺭﺍﻡ ﻭﻓﺎ ﮐﯽ ﺷﺎﻋﺮﯼ ﺳﮯ ﺑﮩﺖ ﻣﺘﺎﺛﺮ ﺗﮭﮯ ﺍﻭﺭ ﺍﯾﮏ ﻧﻮﺁﻣﻮﺯ ﺷﺎﻋﺮ ﮐﻮ ﻣﯿﻠﮧ ﺭﺍﻡ ﮐﺎ ﺷﻌﺮ ﺳﻨﺎ ﮐﺮ ﻧﺼﯿﺤﺖ ﺑﮭﯽ ﮐﯿﺎ ﮐﺮﺗﮯ ﺗﮭﮯ :
ﺗﻮﮌﺗﺎ ﮨﮯ ﺷﺎﻋﺮﯼ ﮐﯽ ﭨﺎﻧﮓ ﮐﯿﻮﮞ ﺍﮮ ﺑﮯ ﮨﻨﺮ !
ﺟﺎ ﺳﻠﯿﻘﮧ ﺷﺎﻋﺮﯼ ﮐﺎ ﺳﯿﮑﮫ ﻣﯿﻠﮧ ﺭﺍﻡ ﺳﮯ
ﻭﻓﺎﺕ :
ﺍﻧﮭﻮﮞ ﻧﮯ 27 ﻧﻮﻣﺒﺮ 1956 ﺀ ﮐﻮ ﻭﺯﯾﺮ ﺁﺑﺎﺩ ﮐﮯ ﻗﺮﯾﺐ ﺍﭘﻨﮯ ﺁﺑﺎﺋﯽ ﺷﮩﺮ کرم آباد ﻣﯿﮟ ﻭﻓﺎﺕ ﭘﺎﺋﯽ۔
ﺍﻥ ﮐﯽ ﻧﻤﺎﺯِ ﺟﻨﺎﺯﮦ ﺍﻥ ﮐﮯ ﺳﺎﺗﮭﯽ ﻣﺤﻤﺪ ﻋﺒﺪﺍﻟﻐﻔﻮﺭ ﮨﺰﺍﺭﻭﯼ ﻧﮯ ﭘﮍﮬﺎﺋﯽ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جس ہشت صفات (صحافی‘ مترجم‘ نثر نگار‘ مقرر‘ سیاستدان) شخصیت کے بارے میں حکیم الامت ڈاکٹر علامہ محمد اقبال کی درج ذیل رائے ہے اس کی عظمت اور اس کے جامع صفات ہونے میں کون شبہ کر سکتا ہے۔
”ظفر علی خاں کے قلم میں مصطفیٰ کمال کی تلوار کا بانکپن ہے۔ انہوں نے مسلمانانِ پنجاب کو نیند سے جھنجوڑنے میں بڑے بڑے معرکے سر کئے ہیں۔ پنجاب کے مسلمانوں میں سیاسی بیداری اور جوش ایمانی پیدا کرنے کا جو کام مولانا ظفر علی خاں نے انجام دیا وہ تو مثالی ہے ہی لیکن اس سے ہٹ کر دیکھا جائے تو برصغیر کی تمام قومی و ملکی تحریکیں ان کے عزم عمل کی مرہون منت نظر آئیں گی اور سیاسی و صحافتی شعر و ادب تو گویا انہی کی ذات سے عبارت ہو کر رہ گیا ہے“
مولانا ظفر علی خاں کی صحافتی اور سیاسی شاعری، ان کی غیر معمولی دماغی صلاحیتوں، تحریک حریت میں ان کے جرات مندانہ کردار، ان کا اردو صحافت میں خود ایک دبستان اور درسگاہ کی حیثیت اختیار کر جانا، جنگ آزادی پاکستان میں ان کا بہادر مجاہد کی طرح انگریز حکمرانوں کو للکارنا اور آزادی تقریر و تحریر کے جرم میں طویل عرصہ تک قید و بند کی صعوبتوں کو برداشت کرنا یہ سب وہ حقائق ہیں جس سے مولانا ظفر علی خاں کا بڑے سے بڑا سیاسی مخالف بھی انکار نہیں کر سکتا لیکن ہم نے بطور قوم مولانا ظفر علی خاں کو وہ مقام نہیں دیا اور وہ قدر نہیں کی جس کے وہ ہر لحاظ سے حقدار تھے۔ مولانا ظفر علی خاں کی ہشت پہلو شخصیت پر لکھنا تو کئی کتب کا موضوع اور مواد بن سکتا ہے لیکن میں اس مختصر کالم میں صرف ان کے منتخب اور قابل حوالہ اشعار پیش کرنا چاہتا ہوں جس سے ان کی زبان دانی اور قادرالکلامی کا ہماری آج کی نئی نسل کو بخوبی اندازہ ہو جائے گا۔
مولانا ظفر علی خاں کی بے نظیر اور دل و دماغ پر نقش ہو جانے والی شاعری کو خواجہ حسن نظامی نے الہام کا نام دیا تھا اور مولانا سلیمان ندوی تو ظفر علی خاں کو اردو کے صرف تین کامل الفن شاعروں میں سے ایک تسلیم کرتے تھے۔
داغ دہلوی جیسے استاد اور باکمال شاعر کی یہ رائے تھی کہ پنجاب نے ظفر علی خاں اور اقبال کو پیدا کرکے اپنے ماضی کی تلافی کر دی ہے۔
سرسید، علامہ شبلی اور الطاف حسین حالی نے بھی اپنے اپنے انداز میں ظفر علی خاں کے کام اور صلاحیتوں کا اعتراف کیا ہے۔
شورش کاشمیری نے صحافت اور شاعری میں اپنے استاد ظفر علی خاں کو اقلیم انشاء کے شہنشاہ اور میدانِ شعر کے شہسوار کا خطاب دیا تھا اور سب سے بڑھ کر خود مولانا ظفر علی خاں کے بے مثال اشعار ان کے کمال سخن کے گواہ ہیں۔
حمد کے اشعار ملاحظہ ہوں۔
پہنچتا ہے ہر اک مے کش کے آگے دورِ جام اس کا
کسی کو تشنہ لب رکھتا نہیں ہے لطفِ عام اس کا
سراپا معصیت میں ہوں، سراپا مغفرت وہ ہے
خطا کوشی روش میری، خطا پوشی ہے کام اس کا
۔۔۔۔۔۔۔
ظفر علی خاں کی نعتوں کے غیر فانی اشعار
دل جس سے زندہ ہے وہ تمنا تمہی تو ہو
ہم جس میں بس رہے ہیں وہ دنیا تمہی تو ہو
اے خاور حجاز کے رخشندہ آفتاب
صبحِ ازل ہے تیری تجلی سے فیض یاب
وہ شمع اجالا جس نے کیا چالیس برس تک غاروں میں
اک روز جھلکنے والی تھی سب دنیا کے درباروں میں
جو فلسفیوں سے کھل نہ سکا اور نکتہ وروں سے حل نہ ہوا
وہ راز اک کملی والے نے بتلا دیا چند اشاروں میں
ہوتا ہے جن میں نامِ رسولِ خدا بلند
ان محفلوں کا مجھ کو نمائندہ کر دیا
سردار دوجہاں کا بنا کر مجھے غلام
میرا بھی نام تابہ ابد زندہ کر دیا
زکوٰة اچھی، حج اچھا، روزہ اچھا اور نماز اچھی
مگر میں باوجود اس کے مسلماں ہو نہیں سکتا
نہ جب تک کٹ مروں میں خواجہ یثرب کی عزت پر
خدا شاہد ہے کامل میرا ایماں ہو نہیں ہو سکتا
ظفر علی خاں کے متفرق مگر ضرب المثل اشعار
خدا نے آج تک اس قوم کی حالت نہیں بدلی
نہ ہو جس کو خیال آپ اپنی حالت بدلنے کا
نور خدا ہے کفر کی حرکت پہ خندہ زن
پھونکوں سے یہ چراغ بجھایا نہ جائے گا
سلیقہ مے کشی کا ہو تو کر لیتی ہے محفل میں
نگاہِ مستِ ساقی مفلسی کا اعتبار اب بھی
قلم سے کام تیغ کا اگر کبھی لیا نہ ہو
تو مجھ سے سیکھ لے فن اور اس میں بے مثال بن
کرانا ہے قلم ہاتھوں کو، رودادِ جنوں لکھ کر
تو اس دور ستم پرور میں میرا ہم قلم ہو جا
نکل جاتی ہو سچی بات جس کے منہ سے مستی میں
فقیہہِ مصلحت بیں سے وہ رندِ بادہ خوار اچھا
آپ کہتے ہیں پرایوں نے کیا ہم کو تباہ
بندہ پرور کہیں اپنوں ہی کا یہ کام نہ ہو
نہ یزید کا وہ ستم رہا نہ زیاد کی وہ جفا رہی
جو رہا تو نام حسین کا جسے زندہ رکھتی ہے کربلا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بشکریہ محمد آصف بھلی