معروف شاعر شاذ تمکنت

 

معروف شاعر شاذ تمکنت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ﺩﮐﻦ ﮐﺎ ﺍﻧﻤﻮﻝ ﺭﺗﻦ ﺷﺎﺫ ﺗﻤﮑﻨﺖ

تحریر:

رؤف خیر

۔۔۔۔۔۔۔۔۔۔۔۔۔۔۔۔۔۔۔۔۔

ﺍﺭﺩﻭ ﻣﯿﮟ ﺷﺎﺫ ﺗﻤﮑﻨﺖ ﺍﮎ ﺍﯾﺴﺎ ﻧﺎﻡ ﮨﮯ ﺟﻮ ﺷﻌﺮ ﺍﺩﺏ ﮐﮯ ﻃﺎﻟﺐ ﻋﻠﻢ ﮐﮯ ﺫﮨﻦ ﺳﮯ ﮐﺒﮭﯽ ﻣﺤﻮ ﻧﮩﯿﮟ ﮨﻮﺳﮑﺘﺎ۔ ﺟﺐ ﮐﺒﮭﯽ ﺣﯿﺪﺭﺁﺑﺎﺩ ﮐﮯ ﺳﺮﮐﺮﺩﮦ ﺷﻌﺮﺍﺀ ﮐﺎ ﺫﮐﺮ ﭼﮭﮍﮮ ﮔﺎ ﺷﺎﺫ ﺗﻤﮑﻨﺖ ﮐﺎ ﻧﺎﻡ ﺿﺮﻭﺭ ﻟﯿﺎ ﺟﺎﺋﮯ ﮔﺎ۔ ﺍﻧﮩﻮﮞ ﻧﮯ ﻏﺰﻝ ﮐﻮ ﺍﺱ ﮐﮯ ﻟﻐﻮﯼ ﻣﻌﻨﻮﮞ ﺳﮯ ﺩﻭﺭ ﮨﻮﻧﮯ ﻧﮩﯿﮟ ﺩﯾﺎ۔ ﺍﻥ ﮐﯽ ﺷﺎﻋﺮﯼ ﭘﮍﮬﺘﮯ ﮨﻮﺋﮯ ﺑﺎﺭ ﺑﺎﺭ ﺍﯾﺴﺎ ﻣﺤﺴﻮﺱ ﮨﻮﺗﺎ ﮨﮯ ﮐﮧ ﺍﮎ ﺧﻮﺏ ﺭﻭ ﻋﺎﺷﻖ ﺧﻮﺏ ﺻﻮﺭﺕ ﻣﺤﺒﻮﺑﮧ ﮐﯽ ﺧﺪﻣﺖ ﻣﯿﮟ ﺧﻮﺵ ﺳﺨﻨﯽ ﮐﮯ ﺟﻮﮨﺮ ﺩﮐﮭﺎ ﺭﮨﺎ ﮨﮯ۔

ﺷﺎﺫ ﺗﻤﮑﻨﺖ ﺧﻮﺏ ﺻﻮﺭﺕ ﺷﺨﺼﯿﺖ ﮐﮯ ﻣﺎﻟﮏ ﺗﻮ ﺗﮭﮯ ﮨﯽ ﺧﻮﺵ ﻟﺒﺎﺱ ﻭ ﺧﻮﺵ ﺍﻃﻮﺍﺭ ﺑﮭﯽ ﺗﮭﮯ۔ ﺍﻥ ﺳﮯ ﻣﻞ ﮐﺮ ﮐﻮﺋﯽ ﺷﺨﺺ ﮐﺒﮭﯽ ﺍﺟﻨﺒﯿﺖ ﻣﺤﺴﻮﺱ ﻧﮩﯿﮟ ﮐﺮﺗﺎ ﺗﮭﺎ۔ ﺷﺎﺫ ﻣﯿﮟ ﻣﺤﺒﻮﺑﺎﻧﮧ ﺍﺩﺍﺋﯿﮟ ﺍﻭﺭ ﻣﺤﺒﺎﻧﮧ ﺻﻼﺣﯿﺘﯿﮟ ﺩﻭﻧﻮﮞ ﻣﺘﻮﺍﺯﯼ ﭼﻠﺘﯽ ﺗﮭﯿﮟ۔ ﻭﮦ ﺍﭘﻨﮯ ﻣﻠﻨﮯ ﻭﺍﻟﻮﮞ ﮐﻮ ﺧﻮﺵ ﮐﺮﻧﮯ ﮐﺎ ﮨﻨﺮ ﺟﺎﻧﺘﮯ ﺗﮭﮯ۔ ﺧﻮﺵ ﮔﻔﺘﺎﺭﯼ ﺗﻮ ﺟﯿﺴﮯ ﺷﺎﺫ ﭘﺮ ﺧﺘﻢ ﺗﮭﯽ۔ ﻭﮦ ﺣﯿﺪﺭﺁﺑﺎﺩ ﯼ ﺗﮩﺬﯾﺐ ﮐﺎ ﺟﯿﺘﺎ ﺟﺎﮔﺘﺎ ﻧﻤﻮﻧﮧ ﺗﮭﮯ۔ ﮨﺮ ﺷﺨﺺ ﺷﺎﺫ ﮐﻮ ﭘﺴﻨﺪ ﮐﺮﺗﺎ ﺗﮭﺎ۔ ﺍﻭﺭ ﺍﻥ ﮐﮯ ﭼﺎﮨﻨﮯ ﻭﺍﻟﻮﮞ ﻣﯿﮟ ﺧﻮﺩ ﺷﺎﺫ ﺑﮭﯽ ﺷﺎﻣﻞ ﺗﮭﮯ۔ ﺍﻧﮭﯿﮟ ﺍﭘﻨﮯ ﺁﭖ ﺳﮯ ﻋﺸﻖ ﺗﮭﺎ۔ ﻭﮦ ﺍﭘﻨﯽ ﻏﺰﻝ ﮐﮯ ﻋﺎﺷﻖ ﺗﮭﮯ۔ ﺍﻧﮭﯿﮟ ﺍﭘﻨﯽ ﻧﻈﻤﯿﮟ ﺑﮭﯽ ﻣﺤﺒﻮﺏ ﺗﮭﯿﮟ۔ ﺍﭘﻨﯽ ﺫﺍﺕ ﺍﻭﺭ ﺍﭘﻨﯽ ﺗﺨﻠﯿﻖ ﮐﺴﮯ ﭘﯿﺎﺭﯼ ﻧﮩﯿﮟ ﮨﻮﺗﯽ۔ ﻭﮦ ﺷﻌﺮ ﻭ ﺍﺩﺏ ﮐﻮ ﻣﺤﺾ ﺷﻌﺮ ﻭ ﺍﺩﺏ ﺳﻤﺠﮭﺘﮯ ﺗﮭﮯ ﺍﻭﺭ ﻣﻘﺼﺪﯾﺖ ﺍﻭﺭ ﭘﺮﻭﭘﯿﮕﻨﮉﮮ ﺳﮯ ﻣﺎﻭﺭﺍﺀ۔ ﺍﭘﻨﮯ ﭘﮩﻠﮯ ﺷﻌﺮﯼ ﻣﺠﻤﻮﻋﮧ ﮐﮯ ﭘﯿﺶ ﻟﻔﻆ ﻣﯿﮟ ’’ ﻟﻄﻒ ﺧﻠﺶ ﭘﯿﮑﺎﮞ ‘‘ ﮐﮯ ﻋﻨﻮﺍﻥ ﺳﮯ ﺍﮨﻨﻮﮞ ﻧﮯ ﻟﮑﮭﺎ ﺗﮭﺎ۔

’’ ﻣﯿﮟ ﺷﻌﺮ ﮐﺴﯽ ﭘﯿﻐﺎﻡ ﮐﯽ ﺧﺎﻃﺮ ﯾﺎ ﺩﺭﺱ ﺩﯾﻨﮯ ﮐﮯ ﻟﯿﮯ ﻧﮩﯿﮟ ﮐﮩﺘﺎ ﺑﻠﮑﮧ ﺍﺱ ﻟﯿﮯ ﮐﮩﺘﺎ ﮨﻮﮞ ﮐﮧ ﮐﭽﮫ ﺑﺎﺗﯿﮟ ﺟﻠﻮﺕ ﻣﯿﮟ ﻣﻤﮑﻦ ﻧﮩﯿﮟ ﮨﻮﺗﯿﮟ ﺍﺱ ﻟﯿﮯ ﺧﻠﻮﺕ ﮐﮯ ﺍﻧﺘﺨﺎﺏ ﮐﻮ ﻧﺎﮔﺰﯾﺮ ﺟﺎﻧﺘﺎ ﮨﻮﮞ۔ ﺍﮔﺮ ﮐﻮﺋﯽ ﺷﺎﻋﺮ ‏( ﺟﻮ ﺗﺸﮑﯿﻞ ﻭ ﺗﻌﻤﯿﺮ ﮐﮯ ﻣﺮﺣﻠﮯ ﻣﯿﮟ ﮨﻮ ‏) ﯾﮧ ﮐﮩﺘﺎ ﮨﻮ ﮐﮧ ﻭﮦ ﺷﻌﺮ ﮐﮯ ﺫﺭﯾﻌﮯ ﺍﺻﻼﺡ ﻣﻠﮏ ﻭ ﻗﻮﻡ ﮐﺮﺗﺎ ﮨﮯ ﺗﻮ ﻣﺠﮭﮯ ﯾﮧ ﺩﻋﻮﯼ ﻣﺎﻧﻨﮯ ﻣﯿﮟ ﺗﺎﻣﻞ ﮨﻮ ﮔﺎ۔ ﺩﯾﺎﻧﺖ ﺩﺍﺭﯼ ﮐﯽ ﺑﺎ ﺕ ﯾﮧ ﮨﮯ ﮐﮧ ﺷﻌﺮ ﮨﻮ ﯾﺎ ﺍﻓﺴﺎﻧﮧ ﺍﻭﻝ ﺍﻭﻝ ﻓﻦ ﮐﺎ ﺭ ﺍﭘﻨﯽ ﺗﺴﮑﯿﻦ ﮐﮯ ﻟﯿﮯ ﺍﭘﻨﯽ ﺍﻧﺎ ﮐﻮ ﺳﮑﻮﻥ ﺑﺨﺸﻨﮯ ﮐﯽ ﺧﺎﻃﺮ ﺗﺨﻠﯿﻖ ﮐﺮﺗﺎ ﮨﮯ۔ ﯾﮧ ﺑﮭﯽ ﻋﯿﻦ ﻣﻤﮑﻦ ﮨﮯ ﮐﮧ ﯾﮧ ﻣﺘﺎﻉ ﮨﻨﺮ ﺁﺧﺮ ﺁﺧﺮ ﺍﺗﻨﯽ ﺩﻝ ﭘﺬﯾﺮ ﮨﻮ ﺟﺎﺋﮯ ﮐﮧ ﺷﺎﻋﺮ ﺍﭘﻨﮯ ﭘﺮ ﺍﮨﻞ ﺩﮨﺮ ﮐﺎ ﻗﯿﺎﺱ ﮐﺮﮮ۔ ‘‘

ﻣﺬﮐﻮﺭﮦ ﭘﯿﺶ ﻟﻔﻆ ﺳﮯ ﺷﺎﺫ ﺗﻤﮑﻨﺖ ﮐﺎ ﻧﻈﺮ ﯾﮧ ﺷﻌﺮ ﮐﮭﻞ ﮐﺮ ﺳﺎﻣﻨﮯ ﺁﺗﺎ ﮨﮯ۔ ﯾﮧ ﺿﺮﻭﺭﯼ ﻧﮩﯿﮟ ﮐﮧ ﺍﮨﻞ ﺫﻭﻕ ﺍﻥ ﮐﮯ ﻧﻈﺮﯾﮧ ﺷﻌﺮ ﺳﮯ ﺍﺗﻔﺎﻕ ﮐﺮﯾﮟ۔ ﺷﻌﺮ ﻭ ﺍﺩﺏ ﻣﯿﮟ ﻟﻔﻆ ﺍﻭﺭ ﺍﺱ ﮐﺎ ﺗﺨﻠﯿﻘﯽ ﺍﺳﺘﻌﻤﺎﻝ ﺑﮩﺮﺣﺎﻝ ﺍﮨﻢ ﮨﻮﺗﺎ ﮨﮯ ﯾﮧ ﺍﻟﮓ ﺑﺎﺕ ﮨﮯ ﮐﮧ ﺣﺎﻟﯽ ﺳﮯ ﺗﺎ ﺣﺎﻝ ﻣﻮﺿﻮﻉ ﺍﻭﺭ ﻣﻘﺼﺪﯾﺖ ﮐﯽ ﺍﮨﻤﯿﺖ ﭘﺮ ﺯﻭﺭ ﺩﯾﺎ ﺟﺎﺗﺎ ﺭﮨﺎ ﮨﮯ ﺷﻌﺮﻭ ﺍﺩﺏ ﮐﻮ ﺑﮧ ﮨﺮ ﺻﻮﺭﺕ ﭘﺮﻭﭘﯿﮕﻨﮉﮦ ﺑﻨﻨﮯ ﺳﮯ ﺑﭽﺎﻧﺎ ﭼﺎﮨﯿﺌﮯ ﻭﺭﻧﮧ ﺍﺩﺏ ﺍﻭﺭ ﺻﺤﺎﻓﺖ ﻣﯿﮟ ﻓﺮﻕ ﮐﺮﻧﺎ ﻣﺸﮑﻞ ﮨﻮ ﺟﺎﺋﮯ ﮔﺎ۔ ﺷﺎﺫ ﮐﯽ ﭘﻮﺭﯼ ﻓﮑﺮ ﭨﮭﯿﭧ ﺭﻭﻣﺎﻧﯽ ﺭﮨﯽ ﮨﮯ۔ ﺍﻥ ﮐﮯ ﮨﺎﮞ ﺷﻌﺮ ﮐﯽ ﺑﻨﯿﺎﺩﯼ ﺷﺮﻁ ﻋﺸﻖ ﻭ ﻣﻌﺎﻣﻼﺕ ﻋﺸﻖ ﮐﺎ ﺍﻇﮩﺎﺭ ﮨﮯ۔ ﻣﺨﺪﻭﻡ ﻧﮯ ﺍﻥ ﮐﮯ ﻓﮑﺮ ﻭﻓﻦ ﮐﺎ ﺟﻮ ﺗﺠﺰﯾﮧ ﮐﯿﺎ ﮨﮯ ﻭﮦ ’’ ﺗﺮﺍﺷﯿﺪﮦ ‘‘ ﮐﮯ ﻓﻠﯿﭗ ﭘﺮﺍﻥ ﺍﻟﻔﺎﻅ ﻣﯿﮟ ﻣﻮﺟﻮﺩ ﮨﮯ :

’’ ﺷﺎﺫ ﺍﯾﮏ ﺩﺭﺩ ﻣﻨﺪ ﺍﻭﺭ ﭘﺮ ﺗﮑﻠﻒ ﻓﻦ ﮐﺎﺭ ﮨﮯ ﺟﻮ ﻧﺌﯽ ﻧﺌﯽ ﺧﻮﺏ ﺻﻮﺭﺕ ﻣﮕﺮ ﺑﮭﺎﺭﯼ ﺗﺮﮐﯿﺒﯿﮟ ﺑﻨﺎﻧﮯ ﮐﮯ ﺳﺎﺗﮫ ﺳﺎﺗﮫ ﺳﮩﻞ ﺍﻭﺭ ﺳﮩﺎﻧﮯ ﺍﻟﻔﺎﻅ ﮐﻮ ﻣﺼﺮﻋﻮﮞ ﻣﯿﮟ ﺟﻮﮌﻧﮯ ﮐﺎ ﺷﺎﺋﻖ ﮨﮯ ‘‘

ﺷﺎﺫ ﺗﻤﮑﻨﺖ ﺷﻌﺮ ﻣﯿﮟ ﺷﻌﺮﯾﺖ ﮨﯽ ﮐﮯ ﻗﺎﺋﻞ ﺗﮭﮯ۔ ﺍﻥ ﮐﯽ ﻧﻈﻤﯿﮟ ﺍﻭﺭ ﻏﺰﻟﯿﮟ ﺍﻥ ﮐﮯ ﺭﻭﻣﺎﻧﯽ ﻟﮩﺠﮯ ﮐﺎ ﺷﻨﺎﺱ ﻧﺎﻣﮧ ﮨﯿﮟ۔ ﺧﻼ ﮐﯽ ﺭﻗﺎﺻﮧ، ﺁﺧﺮ ﺷﺐ، ﻣﯿﺮﺍ ﻓﻦ ﻣﯿﺮﯼ ﺯﻧﺪﮔﯽ، ﺍﯾﮏ ﺻﺒﺢ، ﻧﻐﻤﻮﮞ ﮐﯽ ﻣﺴﯿﺤﺎﺋﯽ ﺟﯿﺴﯽ ﻃﻮﯾﻞ ﻧﻈﻤﯿﮟ ﺷﻌﺮ ﺳﮯ ﺍﻥ ﺷﯿﻔﺘﮕﯽ ﮐﯽ ﻣﻈﮩﺮ ﮨﯿﮟ۔ ﺧﻮﺏ ﺻﻮﺭﺕ ﺍﻟﻔﺎﻅ ﮐﺎ ﺑﮍﮮ ﺳﻠﯿﻘﮯ ﺳﮯ ﺍﺳﺘﻌﻤﺎﻝ ﺧﻮﺵ ﺁﮨﻨﮕﯽ ﮐﯽ ﺩﻧﯿﺎ ﺁﺑﺎﺩ ﮐﺮ ﺩﯾﺘﺎ ﮨﮯ۔ ﻗﺎﺭﯼ ﯾﺎ ﺳﺎﻣﻊ ﺍﻥ ﮐﮯ ﺳﺎﺣﺮﺍﻧﮧ ﺍﻇﮩﺎﺭ ﻣﯿﮟ ﮐﮭﻮ ﺑﮭﯽ ﺟﺎﺗﺎ ﮨﮯ ﺍﻭﺭ ﭘﮭﺮ ﺟﺐ ﺁﻧﮑﮫ ﮐﮭﻠﺘﯽ ﮨﮯ ﺗﻮ ﻃﻠﺴﻤﺎﺗﯽ ﻓﻀﺎ ﺳﮯ ﻧﮑﻞ ﺁﺗﺎ ﮨﮯ۔

ﺩﻝ ﺻﺪﻑ ﻣﯿﮟ ﺍﺗﺮﺗﺎ ﮨﻮﮞ ﻣﺜﻞ ﮔﻮﮨﺮ ﻧﺎﺏ

ﻣﯿﮟ ﺍﭘﻨﯽ ﭼﭩﮑﯽ ﻣﯿﮟ ﺗﮭﺎﻣﮯ ﮨﻮﺋﮯ ﮨﻮﮞ ﮔﻞ ﮐﯽ ﻧﻘﺎﺏ

ﭼﮭﭙﺎ ﺗﻮ ﺗﺨﻢ ﮐﯽ ﺻﻮﺭﺕ ﺍﮌﺍ ﺗﻮ ﺧﻮﺷﺒﻮ ﮨﻮﮞ

ﺟﮭﮑﺎ ﺗﻮ ﺷﺎﺥ ﮐﯽ ﻣﺎﻧﻨﺪ ﺍ ﭨﮭﺎ ﺗﻮ ﻣﺜﻞ ﺳﺤﺎﺏ

ﭼﻤﻦ ﺑﮧ ﺳﯿﻨﮧ ﺭﮨﺎ ﮨﻮﮞ ﺯ ﻓﯿﺾ ﺟﺬﺏ ﺩﺭﻭﮞ

ﻣﻠﮯ ﺳﺤﺮ ﮐﯽ ﻏﺰﺍﻟﮧ ﺗﻮ ﺍﯾﮏ ﺑﺎﺕ ﮐﮩﻮﮞ

ﺷﻔﻖ ﮐﯽ ﺳﯿﮍﮬﯽ ﭘﮧ ﮨﮯ ﺗﯿﺮﺍ ﺧﻂ ﭘﺎﺋﮯ ﺣﻨﺎ

ﺍﺩﺍﺱ ﺍﺩﺍﺱ ﮨﮯ ﺭﻭ ﮮ ﻧﮕﺎﺭ ﺻﺒﺢ ﻭﻃﻦ

ﮔﮭﻼ ﮔﮭﻼ ﺳﺎ ﮨﮯ ﻻﻟﮧ ﮐﯽ ﺁﻧﮑﮫ ﮐﺎ ﮐﺠﺮﺍ

ﺩﮬﻮﺍﮞ ﺩﮬﻮﺍﮞ ﺳﯽ ﮨﮯ ﺭﺧﺴﺎﺭﮦ ﭼﻤﻦ ﮐﯽ ﭘﮭﺒﻦ

ﺗﻘﺮﯾﺒﺎً ﺳﺎﺭﯼ ﻧﻈﻤﯿﮟ ﺍﺳﯽ ﺍﺳﻠﻮﺏ ﻣﯿﮟ ﮐﮩﯽ ﮨﻮﺋﯽ ﮨﯿﮟ۔ ﻧﻈﻤﯿﮟ ﻧﮩﺎﯾﺖ ﻃﻮﯾﻞ ﮨﯿﮟ ﺟﻮ ﭘﯿﺎﺯ ﮐﯽ ﭘﺮﺕ ﺩﺭﭘﺮﺕ ﮐﯽ ﻃﺮﺡ ﮐﮭﻠﺘﯽ ﮨﯽ ﺟﺎﺗﯽ ﮨﯿﮟ ﺍﻭﺭ ﺟﻦ ﻣﯿﮟ ’ ﺑﯿﻦ ﺍﻟﺴﻄﻮﺭ ، ﮐﮯ ﺑﺠﺎﺋﮯ ﺣﺴﻦ ﺳﻄﻮﺭ ﭘﺮ ﺯﯾﺎﺩﮦ ﺗﻮﺟﮧ ﺩﯼ ﮔﺌﯽ ﮨﮯ۔ ﺍﺱ ﺩﻭﺭ ﻣﯿﮟ ﺗﺮﻗﯽ ﭘﺴﻨﺪ ﻓﮑﺮ ﮐﺎ ﻏﻠﻐﻠﮧ ﺗﮭﺎ۔ ﺳﺮﺩﺍﺭ ﺟﻌﻔﺮﯼ، ﮐﯿﻔﯽ ﺍﻋﻈﻤﯽ، ﺟﺬﺑﯽ ﻭﻏﯿﺮﮦ ﮐﮯ ﺍﺛﺮﺍﺕ ﺑﮍﯼ ﺣﺪ ﺗﮏ ﻧﺌﮯ ﺍﺫﮨﺎﻥ ﭘﺮ ﻣﺮﺗﺐ ﮨﻮ ﺭﮨﮯ ﺗﮭﮯ۔ ﻋﺰﯾﺰ ﻗﯿﺴﯽ، ﻭﺣﯿﺪ ﺍﺧﺘﺮ ﺍﻭﺭ ﺷﺎﺫ ﺗﻤﮑﻨﺖ ﺍﺳﯽ ﻃﺮﺡ ﻃﻮﯾﻞ ﻧﻈﻤﯿﮟ ﮐﮩﮧ ﮐﺮ ﺍﭘﻨﮯ ﺍﭘﻨﮯ ﺧﺰﺍﻧۂ ﺍﻟﻔﺎﻅ ﮐﮯ ﮈﮬﯿﺮ ﻟﮕﺎ ﺭﮨﮯ ﺗﮭﮯ۔ ﺷﺎﺫ ﺗﻤﮑﻨﺖ ﮐﮯ ﻣﺤﺒﻮﺏ ﺷﻌﺮﺍﺀ ﻣﯿﺮ، ﻏﺎﻟﺐ، ﻣﻮﻣﻦ، ﻣﺼﺤﻔﯽ، ﺩﺍﻍ، ﺍﻧﯿﺲ، ﺟﻮﺵ، ﻓﺮﺍﻕ، ﺟﮕﺮ، ﯾﮕﺎﻧﮧ، ﺣﺴﺮﺕ ﻣﻮﮨﺎﻧﯽ ﮐﮯ ﺳﺎﺗﮫ ﺳﺎﺗﮫ ﻓﯿﺾ، ﺍﺣﻤﺪ ﻧﺪﯾﻢ ﻗﺎﺳﻤﯽ، ﻋﺪﻡ، ﻧﺎﺻﺮ ﮐﺎﻇﻤﯽ، ﺍﺣﻤﺪ ﻓﺮﺍﺯ، ﺍﺧﺘﺮ ﺍﻻﯾﻤﺎﻥ، ﺍﺧﺘﺮ ﺷﯿﺮﺍﻧﯽ، ﻣﺼﻄﻔﯽ ﺯﯾﺪﯼ ﻭﻏﯿﺮﮦ ﻭﻏﯿﺮﮦ ﺗﮭﮯ۔ ﺷﺎﺫ ﻧﮯ ﺍﻥ ﺷﻌﺮﺍﺀ ﮐﯽ ﺷﻌﺮﯼ ﮐﺎﻭﺷﻮﮞ ﮐﯽ ﺩﺍﺩ ﺑﮭﯽ ﺩﯼ ﮨﮯ ﺍﻭﺭ ﺍﻥ ﺳﮯ ﺍﺳﺘﻔﺎﺩﮦ ﺑﮭﯽ ﮐﯿﺎ ﮨﮯ۔ ﺍﻥ ﮐﯽ ﺍﺑﺘﺪﺍﺋﯽ ﺷﻌﺮﯼ ﺗﮓ ﻭ ﺩﻭ ﻣﯿﮟ ﺍﻧﮭﯿﮟ ﻟﻮﮔﻮﮞ ﻧﮯ ﺳﺮﺩﺍﺭ ﺟﻌﻔﺮﯼ ﮐﺎ ﺧﻮﺷﮧ ﭼﯿﮟ ﮐﮩﻨﺎ ﺷﺮﻭﻉ ﮐﯿﺎ ﻟﯿﮑﻦ ﺷﺎﺫ ﻧﮯ ﺍﭘﻨﯽ ﮐﭽﮫ ﻧﻈﻤﯿﮟ ﺑﮭﯿﺞ ﺑﮭﯿﺞ ﮐﺮﺳﺮﺩﺍﺭ ﺟﻌﻔﺮﯼ ﺳﮯ ﺩﺭﯾﺎﻓﺖ ﮐﯿﺎ ﺗﮭﺎ ﮐﯿﺎ ﯾﮧ ﺍﻥ ﮐﯽ ﻧﻘﻞ ﮨﯿﮟ ؟ ﺳﺮﺩﺍﺭ ﺟﻌﻔﺮﯼ ﻧﮯ ۸، ﺍﮔﺴﺖ ۱۹۵۲ﺀ ﮐﻮ ﺷﺎﺫ ﮐﻮ ﻟﮑﮭﺎ :

’’ ﻣﻌﻠﻮﻡ ﮨﻮﺗﺎ ﮨﮯ ﺁﭖ ﺳﮯ ﮐﺴﯽ ﻧﮯ ﻣﺬﺍﻕ ﮐﯿﺎ ﮨﮯ۔ ﻧﮧ ﺗﻮ ﺁﭖ ﮐﯽ ﻧﻈﻤﯿﮟ ﻣﯿﺮﯼ ﻧﻘﻞ ﮨﯿﮟ ﺍﻭﺭ ﻧﮧ ﻣﯿﮟ ﻧﮯ ﺍﺱ ﮐﮯ ﺑﺎﺭﮮ ﻣﯿﮟ ﮐﺴﯽ ﮐﻮ ﻟﮑﮭﺎ ﮨﮯ۔ ﺁﭖ ﺍﭼﮭﮯ ﺷﻌﺮ ﮐﮩﺘﮯ ﮨﯿﮟ ﮐﮩﺘﮯ ﺭﮨﺌﮯ۔ ﻟﻮﮒ ﺧﻮﺩ ﺧﺎﻣﻮﺵ ﮨﻮ ﺟﺎﺋﯿﮟ ﮔﮯ ‘‘

ﺷﺎﺫ ﺗﻤﮑﻨﺖ ﮐﺴﯽ ﺗﺤﺮﯾﮏ ﺳﮯ ﻭﺍﺑﺴﺘﮧ ﻧﮩﯿﮟ ﺗﮭﮯ۔ ﻭﮦ ﺗﺮﻗﯽ ﭘﺴﻨﺪﻭﮞ ، ﺍﺭﺑﺎﺏ ﺫﻭﻕ ﺍﻭﺭ ﺟﺪﯾﺪﯾﻮﮞ ﺳﺐ ﺳﮯ ﺗﻌﻠﻘﺎﺕ ﺍﺳﺘﻮﺍﺭ ﺭﮐﮭﻨﺎ ﭼﺎﮨﺘﮯ ﺗﮭﮯ۔ ﺍﻥ ﮐﯽ ﯾﮧ ﺧﻮﺍﮨﺶ ﺗﮭﯽ ﮐﮧ ﮨﺮ ﺳﻄﺢ ﭘﺮ ﺍﻥ ﮐﮯ ﺷﻌﺮ ﮐﻮ ﺳﺮﺍﮨﺎ ﺟﺎﺋﮯ۔ ﻭﮦ ﮐﺴﯽ ﻣﺤﺪﻭﺩ ﺣﻠﻘﮯ ﻣﯿﮟ ﺧﻮﺩ ﮐﻮ ﺍﺳﯿﺮ ﺭﮐﮭﻨﺎ ﻧﮩﯿﮟ ﭼﺎﮨﺘﮯ ﺗﮭﮯ۔ ﻭﮦ ﻏﺰﻝ ﮐﯽ ﺭﻭﺍﯾﺖ ﮐﺎ ﭘﺎﺱ ﺍﻭﺭ ﺯﺑﺎﻥ ﻭ ﺑﯿﺎﻥ ﮐﺎ ﭘﻮﺭﺍ ﺧﯿﺎﻝ ﺭﮐﮭﺘﮯ ﺗﮭﮯ۔ ﭘﺎﺑﻨﺪ ﻣﻌﺮﯼٰ ﺁﺯﺍﺩ ﻧﻈﻤﯿﮟ ﺑﮭﯽ ﺍﺱ ﺳﻠﯿﻘﮯ ﺳﮯ ﮐﮩﺎ ﮐﺮﺗﮯ ﺗﮭﮯ ﺟﺲ ﮐﮯ ﻟﯿﮯ ﻭﮦ ﻣﺸﮩﻮﺭ ﺗﮭﮯ۔

ﺷﺎﺫ ﮐﺎ ﺣﺎﻓﻈﮧ ﺑﮩﺖ ﺍﭼﮭﺎ ﺗﮭﺎ۔ ﺍﺳﺎﺗﺬﮦ ﺍﻭﺭ ﺍﮨﻢ ﺷﻌﺮﺍﺀ ﮐﮯ ﺑﮯ ﺷﻤﺎﺭ ﺍﺷﻌﺎﺭ ﺍﻧﮩﯿﮟ ﯾﺎﺩ ﺗﮭﮯ۔ ﺍﺳﺎﺗﺬﮦ ﮐﮯ ﺑﻌﺾ ﺍﺷﻌﺎﺭ ﮐﻮ ﺍﻧﮩﻮﮞ ﻧﮯ ﻧﺌﯽ ﻣﻌﻨﻮﯾﺖ ﺩﯼ۔ ﺍﻥ ﮐﯽ ﻣﺸﮩﻮﺭ ﻧﻈﻢ ﮨﮯ 

’’ ﺁﺏ ﻭ ﮔﻞ ‘‘

ﻣﺠﮭﮯ ﯾﺎﺩ ﭘﮍﺗﺎ ﮨﮯ ﺍﮎ ﻋﻤﺮ ﮔﺰﺭﯼ

ﻟﮕﺎﻭﭦ ﮐﯽ ﺷﺒﻨﻢ ﻣﯿﮟ ﻟﮩﺠﮧ ﮈﺑﻮ ﮐﺮ

ﮐﻮﺋﯽ ﻣﺠﮫ ﮐﻮ ﺁﻭﺍﺯ ﺩﯾﺘﺎ ﺗﮭﺎ ﺍﮐﺜﺮ

ﺑﻼﺩﮮ ﮐﯽ ﻣﻌﺼﻮﻣﯿﺖ ﮐﮯ ﺳﮩﺎﺭﮮ

ﻣﯿﮟ ﺁﮨﺴﺘﮧ ﺁﮨﺴﺘﮧ ﭘﮩﻨﭽﺎ ﯾﮩﺎﮞ ﺗﮏ

ﺑﮧ ﮨﺮ ﺳﻤﺖ ﺍﻧﺒﻮﮦ ﺁﻭﺍﺭﮔﺎﮞ ﺗﮭﺎ

ﺑﮍﮮ ﭼﺎﺅ ﺳﮯ ﻣﯿﮟ ﻧﮯ ﺍﮎ ﺍﮎ ﺳﮯ ﭘﻮﭼﮭﺎ

ﮐﮩﻮ ﮐﯿﺎ ﺗﻤﮭﯽ ﻧﮯ ﭘﮑﺎﺭﺍ ﺗﮭﺎ ﻣﺠﮫ ﮐﻮ

ﮐﮩﻮ ﮐﯿﺎ ﺗﻤﮭﯽ ﻧﮯ ﭘﮑﺎﺭﺍ ﺗﮭﺎ ﻣﺠﮫ ﮐﻮ

ﻣﮕﺮ ﻣﺠﮫ ﺳﮯ ﺍﻧﺒﻮﮦ ﺁﻭﺍﺭﮔﺎﮞ ﻧﮯ

ﮨﺮﺍﺳﺎﮞ ﮨﺮﺍﺳﺎﮞ ﭘﺮﯾﺸﺎﮞ ﭘﺮﯾﺸﺎﮞ

ﮐﮩﺎ ﺻﺮﻑ ﺍﺗﻨﺎ : ﻧﮩﯿﮟ ﻭﮦ ﻧﮩﯿﮟ ﮨﻢ

ﮨﻤﯿﮟ ﺑﮭﯽ ﺑﻼ ﮐﺮ ﮐﻮﺋﯽ ﭼﮭﭗ ﮔﯿﺎ ﮨﮯ

ﺍﺱ ﻧﻈﻢ ﮐﺎ ﺧﻤﯿﺮ ﺩﺭﺍﺻﻞ ﻓﺎﻧﯽ ﺑﺪﺍﯾﻮﻧﯽ ﮐﮯ ﺍﺱ ﻣﺸﮩﻮﺭ ﺷﻌﺮ ﺳﮯ ﺍﭨﮭﺎﯾﺎ ﮔﯿﺎ ﮨﮯ۔

ﻣﺠﮭﮯ ﺑﻼ ﮐﮯ ﯾﮩﺎﮞ ﺁﭖ ﭼﮭﭗ ﮔﯿﺎ ﮨﮯ ﮐﻮﺋﯽ

ﻭﮦ ﻣﯿﮩﻤﺎﮞ ﮨﻮﮞ ﺟﺴﮯ ﻣﯿﺰﺑﺎﮞ ﻧﮩﯿﮟ ﻣﻠﺘﺎ

ﺷﺎﺫ ﺗﻤﮑﻨﺖ ﻧﮯ ﻏﺎﻟﺐ ﮐﮯ ﻣﺼﺮﻋﮯ ﻧﺎﺧﻦ ﭘﮧ ﻗﺮﺽ ﺍﺱ ﮔﺮﮦ ﻧﯿﻢ ﺑﺎﺯ ﮐﺎ ﮐﮯ ﭼﺮﺍﻍ ﺳﮯ ﭼﺮﺍ ﻍ ﺟﻼ ﮐﺮ ﯾﻮﮞ ﺷﻌﺮ ﮐﮩﺎ ﮨﮯ۔

ﻣﺮﮮ ﻧﺎﺧﻦ ﻭﻓﺎ ﭘﺮ ﮐﻮﺋﯽ ﻗﺮﺽ ﺭﮦ ﻧﮧ ﺟﺎﺋﮯ

ﺟﻮ ﮔﺮﮦ ﭘﮍﯼ ﮨﮯ ﺩﻝ ﻣﯿﮟ ﺍﺳﮯ ﻧﯿﻢ ﺑﺎﺯ ﺭﮐﮭﻨﺎ

ﺷﺎﺫ ﮐﻮ ﺍﭘﻨﮯ ﺷﻌﺮ ﺳﮯ ﺑﮯ ﭘﻨﺎﮦ ﻋﺸﻖ ﺗﮭﺎ۔ ﺍﻥ ﮐﯽ ﺑﮍﯼ ﺧﻮﺍﮨﺶ ﺗﮭﯽ ﮐﮧ ﺍﺣﻤﺪ ﻓﺮﺍﺯ ﺍﻭﺭ ﻧﺎﺻﺮ ﮐﺎﻇﻤﯽ ﮐﯽ ﻃﺮﺡ ﺍﻥ ﮐﺎ ﮐﻼﻡ ﺑﮭﯽ ﻣﺸﮩﻮﺭ ﮔﻠﻮﮐﺎﺭﻭﮞ ﮐﮯ ﺣﻮﺍﻟﮯ ﺳﮯ ﻋﻮﺍﻡ ﺗﮏ ﭘﮩﻨﭽﮯ۔ ﺍﻥ ﮐﯽ ﻣﻨﺎﺟﺎﺕ ’’ ﮐﺐ ﺗﮏ ﻣﺮﮮ ﻣﻮﻻ ‘‘ ، ’’ ﺍﻭﺭ ﺍﮎ ﻧﻐﻤﮧ ‘‘ ، ’’ ﺳﺐ ﺳﮯ ﻣﻞ ﺁﺅ ﺗﻮ ﺍﮎ ﺑﺎﺭ ﻣﺮﮮ ﺩﻝ ﺳﮯ ﻣﻠﻮ ‘‘ ﮐﺎﻓﯽ ﻣﻘﺒﻮﻝ ﮨﻮﺋﮯ۔ ﺍﭘﻨﯽ ﻏﺰﻟﻮﮞ ﮐﮯ ﺳﺎﺗﮫ ﺳﺎﺗﮫ ﻭﮦ ﺍﭘﻨﯽ ﻧﻈﻤﻮﮞ ﮐﯽ ﺷﻨﺎﺧﺖ ﮐﮯ ﺑﮭﯽ ﺟﺘﻦ ﮐﺮﺗﮯ ﺗﮭﮯ۔ ﺍﻧﮩﻮﮞ ﻧﮯ ﻣﺴﻠﺴﻞ ﺧﻄﻮﻁ ﻟﮑﮫ ﮐﺮ ﺍﺧﺘﺮ ﺍﻻﯾﻤﺎﻥ ﺳﮯ ﺍﻥ ﻧﻈﻤﻮﮞ ﭘﺮ ﺭﺍﺋﮯ ﻃﻠﺐ ﮐﯽ ﺍﻭﺭ ﺍﺧﺘﺮ ﺍﻻﯾﻤﺎﻥ ﺗﮭﮯ ﮐﮧ ﭨﺎﻝ ﺭﮨﮯ ﺗﮭﮯ۔ ﺁﺧﺮ ﮐﺎﺭ ۱۳، ﺳﺘﻤﺒﺮ ۱۹۷۷ﺀ ﮐﻮ ﺷﺎﺫ ﻧﮯ ﺍﻧﮭﯿﮟ ﻟﮑﮭﺎ :

’’ ﻋﯿﺪ ﻣﺒﺎﺭﮎ ﺍﺧﺘﺮ ﺑﮭﺎﺋﯽ ﻣﯿﺮﮮ۔ ﭘﮭﺮ ﺁﭖ ﮐﻮ ﺑﻮﺭ ﮐﺮ ﺭﮨﺎ ﮨﻮﮞ ’’ ﻧﯿﻢ ﺧﻮﺍﺏ ‘‘ ﮐﮯ ﮔﺮﺩ ﭘﻮﺵ ﭘﺮ ﺁﭖ ﮐﯽ ﺭﺍﺋﮯ ﮨﻮ ﮔﯽ۔ ﺍﻧﺸﺎﺀ ﺍﻟﻠﮧ ﺿﺮﻭﺭ ﮨﻮ ﮔﯽ۔ ﺁﭖ ﺭﺍﺋﮯ ﻧﮩﯿﮟ ﺑﮭﯿﺠﯿﮟ ﮔﮯ ﺗﻮ ﺧﻮﺩ ﮨﯽ ﺁﭖ ﮐﮯ ﻧﺎﻡ ﺳﮯ ﻟﮑﮫ ﮐﺮ ﭼﮭﭙﻮﺍ ﺩﻭﮞ ﮔﺎ۔ ﭘﮭﺮ ﻧﮧ ﮐﮩﻨﺎ ﮨﻤﯿﮟ ﺧﺒﺮ ﻧﮧ ﮨﻮﺋﯽ ‘‘

ﺩﺭﺍﺻﻞ ﺷﺎﺫ ﺗﻤﮑﻨﺖ ﮐﯽ ﯾﮧ ﮐﻮﺷﺶ ﺗﮭﯽ ﮐﮧ ﺍﻥ ﮐﯽ ﻧﻈﻤﻮﮞ ﭘﺮ ﻧﻈﻢ ﮨﯽ ﮐﮯ ﺍﯾﮏ ﻣﺴﺘﻨﺪﺷﺎﻋﺮ ﮐﯽ ﺭﺍﺋﮯ ﻣﻞ ﺟﺎﺋﮯ ﺗﺎﮐﮧ ﺍﻥ ﮐﮯ ﺷﻌﺮﯼ ﻣﺠﻤﻮﻋﮯ ’’ ﻧﯿﻢ ﺧﻮﺍﺏ ‘‘ ﻣﯿﮟ ﻭﮦ ﺷﺎﻣﻞ ﮐﯽ ﺟﺎ ﺳﮑﮯ ﻟﯿﮑﻦ ﺍﺧﺘﺮ ﺍﻻﯾﻤﺎﻥ ﻧﮯ ﺭﺍﺋﮯ ﺑﮭﯿﺠﻨﮯ ﻣﯿﮟ ﺍﺗﻨﯽ ﺗﺎﺧﯿﺮ ﮐﯽ ﮐﮧ ﺷﺎﺫ ﮐﯽ ﮐﺘﺎﺏ ﺭﺍﺋﮯ ﮐﮯ ﺑﻐﯿﺮ ﮨﯽ ﭼﮭﭗ ﮔﺌﯽ۔ ﻣﮕﺮ ﺷﺎﺫ ﻧﮯ ﺍﺱ ﺭﺍﺋﮯ ﮐﻮ ﺍﺗﻨﯽ ﺯﯾﺎﺩﮦ ﺍﮨﻤﯿﺖ ﺩﯼ ﮐﮧ ﺑﺎﺿﺎﺑﻄﮧ ﺑﻼﮎ ﺑﻨﻮﺍ ﮐﺮﺍﺱ ﺭﺍﺋﮯ ﮐﻮ ﭼﮭﺎﭘﺎ ﺍﻭﺭ ﮐﺘﺎﺏ ﮐﮯ ﺩﺭﻣﯿﺎﻥ ﮐﮩﯿﮟ ﺟﻮﮌ ﺩﯼ ﺍﻭﺭ ﺍﺧﺘﺮ ﺍﻻﯾﻤﺎﻥ ﮐﻮ ﺧﻂ ﻟﮑﮭﺎ ‏( ۲۲ﻓﺮﻭﺭﯼ ۱۹۷۸ﺀ ‏)

’’ ﻋﺰﯾﺰ ﺗﺮﯾﻦ ﺍﺧﺘﺮ ﺑﮭﺎﺋﯽ۔ ﺳﻼﻡ ﻣﺴﻨﻮﻥ۔ ﻣﯿﮟ ﮐﭽﮫ ﻣﺎﯾﻮﺱ ﺳﺎ ﮨﻮ ﭼﻼ ﺗﮭﺎ ﮐﮧ ﺁﭖ ﮐﯽ ﮔﺮﺍﮞ ﻗﺪﺭ ﺭﺍﺋﮯ ﺍﻭﺭ ﻣﺤﺒﺖ ﺑﮭﺮﯼ ﺳﻄﺮﯾﮟ ﻣﻠﯿﮟ۔ ﺍﺏ ﺳﻨﯿﺌﮯ ﮐﺘﺎﺏ ﭼﮭﭗ ﮔﺌﯽ ﮨﮯ۔ ﺩﻭﺳﻮ ﮐﺎﭘﯿﺎﮞ ﺑﮭﯽ ﻧﮑﻞ ﮔﺌﯿﮟ ﻟﯿﮑﻦ ﺍﺑﮭﯽ ﻧﻮﺳﻮ ﮐﺎﭘﯿﺎﮞ ﮨﯿﮟ ﺟﻦ ﮐﯽ ﺟﻠﺪ ﺑﻨﺪﯼ ﮨﻮﻧﯽ ﮨﮯ۔ ﻣﯿﮟ ﺁﭖ ﮐﯽ ﺭﺍﺋﮯ ﮐﺎ ﺑﻼﮎ ﺑﻨﻮﺍ ﮐﺮ ﮐﺘﺎﺏ ﻣﯿﮟ ﺷﺎﻣﻞ ﮐﺮ ﺭﮨﺎ ﮨﻮﮞ۔ ﺍﺏ ﺁﭖ ﮐﻮ ﺟﻮ ﮐﺘﺎﺏ ﻣﻠﮯ ﮔﯽ ﺍﺱ ﻣﯿﮟ ﺭﺍﺋﮯ ﺷﺎﻣﻞ ﮨﻮ ﮔﯽ ﺍﻟﺒﺘﮧ ﺍﻥ ﺩﻭﺳﻮ ﮐﺎﭘﯿﻮﮞ ﭘﺮ ﺗﺮﺱ ﺁ ﺭﮨﺎ ﮨﮯ ﺟﻮ ﺑﻐﯿﺮ ﺁﭖ ﮐﯽ ﺭﺍﺋﮯ ﮐﮯ ﯾﺎﺭ ﺍﻏﯿﺎﺭ ﺗﮏ ﭘﮩﻨﭻ ﮔﺌﯿﮟ۔ ‘‘

ﺷﺎﺫ ﺗﻤﮑﻨﺖ ﮐﮯ ﻗﺮﯾﺒﯽ ﺩﻭﺳﺖ ﻋﻮﺽ ﺳﻌﯿﺪ ﻧﮯ ﺷﺎﺫ ﮐﺎ ﺧﺎﮐﮧ ﻟﮑﮭﺎ ﮐﮧ :

’’ ﻭﮦ ﺧﻮﺩ ﮨﯽ ﻋﺎﺷﻖ ﺗﮭﺎ ﺍﻭﺭ ﺧﻮﺩ ﮨﯽ ﻣﻌﺸﻮﻕ۔۔۔ ﻭﮦ ﺑﮧ ﯾﮏ ﻭﻗﺖ ﻗﻠﻨﺪﺭ ﺑﮭﯽ ﺗﮭﺎ ﺍﻭﺭ ﮐﺎﻓﯽ ﺣﺪ ﺗﮏ ﺩﻧﯿﺎ ﺩﺍﺭ ﺑﮭﯽ۔ ﺯﻧﺪﮦ ﺩﻝ ﺑﮭﯽ ﺗﮭﺎ ﺍﻭﺭ ﺯﻭﺩ ﺭﻧﺞ ﺑﮭﯽ۔ ﺫﺍﺗﯽ ﺗﺸﮩﯿﺮ ﮐﺎ ﺑﮍﺍ ﻗﺎﺋﻞ ﺑﮭﯽ ﺗﮭﺎ ﺍﻭﺭ ﻣﻨﮑﺮ ﺑﮭﯽ۔ ﺍﺳﮯ ﺳﻤﺠﮭﻨﮯ ﮐﮯ ﻟﯿﮯ ﺍﺱ ﮐﯽ ﺷﺨﺼﯿﺖ ﮐﮯ ﺍﻥ ﮔﮉﻣﮉ ﮨﻮﺗﮯ ﮨﻮﺋﮯ ﺳﺎﯾﻮﮞ ﮐﮯ ﺳﺎﺗﮫ ﺑﮩﺖ ﺩﻭﺭ ﺗﮏ ﺟﺎﻧﺎ ﮨﻮ ﮔﺎ۔ ‘‘

ﺷﺎﺫ ﺗﻤﮑﻨﺖ ﻧﻈﻢ ﮐﮯ ﺑﺠﺎﺋﮯ ﺍﭘﻨﯽ ﻏﺰﻟﻮﮞ ﺳﮯ ﭘﮩﭽﺎﻧﮯ ﮔﺌﮯ۔ ﺍﻥ ﮐﮯ ﺍﺷﻌﺎﺭ ﺯﯾﺎﺩﮦ ﺗﺮ ﻣﺘﺮﻧﻢ ﺑﺤﺮﻭﮞ ﻣﯿﮟ ﮨﻮﺍ ﮐﺮﺗﮯ ﺗﮭﮯ ﺍﻭﺭ ﺷﺎﺫ ﺍﻧﮭﯿﮟ ﭘﮍﮬﺘﮯ ﺑﮭﯽ ﺗﮭﮯ ﻟﮩﮏ ﻟﮩﮏ ﮐﺮ ﺷﻌﺮ ﺳﻨﺎﻧﮯ ﮐﺎ ﺍﻧﺪﺍﺯ ﺍﺱ ﻗﺪﺭ ﻭﻝ ﮐﺶ ﺗﮭﺎ ﮐﮧ ﺍﺱ ﭘﺮ ﮨﺰﺍﺭ ﺗﺮﻧﻢ ﻗﺮﺑﺎﻥ :

ﺷﺐ ﻭ ﺭﻭﺯ ﺟﯿﺴﮯ ﭨﮭﮩﺮ ﮔﺌﮯ ﻧﮧ ﻭﮦ ﻧﺎﺯ ﮨﮯ ﻧﮧ ﻧﯿﺎﺯ ﮨﮯ

ﺗﺮﮮ ﮨﺠﺮ ﻣﯿﮟ ﯾﮧ ﭘﺘﮧ ﭼﻼ ﻣﺮﯼ ﻋﻤﺮ ﮐﺘﻨﯽ ﺩﺭﺍﺯ ﮨﮯ

ﯾﮩﺎﮞ ﺑﮭﯽ ﺷﺎﺫ ﻧﮯ ﺣﺎﻟﯽ ﮐﮯ ﻣﺸﮩﻮﺭ ﺷﻌﺮ ﺳﮯ ﮐﺘﻨﮯ ﺳﻠﯿﻘﮯ ﺳﮯ ﺍﺳﺘﻔﺎﺩﮦ ﮐﯿﺎ ﮨﮯ

ﺑﮯ ﻗﺮﺍﺭﯼ ﺗﮭﯽ ﺳﺐ ﺍﻣﯿﺪ ﻣﻼﻗﺎﺕ ﮐﮯ ﺳﺎﺗﮫ

ﺍﺏ ﻭﮦ ﺍﮔﻠﯽ ﺳﯽ ﺩﺭﺍﺯﯼ ﺷﺐ ﮨﺠﺮﺍﮞ ﻣﯿﮟ ﻧﮩﯿﮟ

ﺑﻠﮑﮧ ﺣﺎﻟﯽ ﮐﯽ ﻟﮑﯿﺮ ﮐﮯ ﺑﺎﻟﻤﻘﺎﺑﻞ ﺑﮍﯼ ﻟﮑﯿﺮ ﮐﮭﯿﻨﭽﻨﮯ ﮐﯽ ﮐﻮﺷﺶ ﮐﯽ ﮨﮯ۔

ﺷﺎﺫ ﮐﯽ ﻏﺰﻝ ﺍﭘﻨﯽ ﺗﻤﺎﻡ ﺗﺮ ﻏﻨﺎﺋﯿﺖ ﮐﯽ ﻭﺟﮧ ﺳﮯ ﻋﻮﺍﻡ ﻭ ﺧﻮﺍﺹ ﻣﯿﮟ ﯾﮑﺴﺎﮞ ﻣﻘﺒﻮﻝ ﺗﮭﯽ۔ ﮨﻨﺪﻭ ﭘﺎﮎ ﻣﯿﮟ ﺍﻥ ﮐﯽ ﺗﺨﻠﯿﻘﺎﺕ ﻣﻌﯿﺎﺭﯼ ﺭﺳﺎﺋﻞ ﮐﯽ ﺯﯾﻨﺖ ﺑﻨﺘﯽ ﺗﮭﯿﮟ۔ ﺍﻥ ﮐﮯ ﺑﯿﺸﺘﺮ ﺍﺷﻌﺎﺭ ﺿﺮﺏ ﺍﻻ ﻣﺜﺎﻝ ﮐﯽ ﻃﺮﺡ ﻣﺸﮩﻮﺭ ﮨﯿﮟ :

ﻣﺮﺍ ﺿﻤﯿﺮ ﺑﮩﺖ ﮨﮯ ﻣﺠﮭﮯ ﺳﺰﺍ ﮐﮯ ﻟﯿﮯ

ﺗﻮ ﺩﻭﺳﺖ ﮨﮯ ﺗﻮ ﻧﺼﯿﺤﺖ ﻧﮧ ﮐﺮ ﺧﺪﺍ ﮐﮯ ﻟﯿﮯ

ﺁﮔﮯ ﺁﮔﮯ ﮐﻮﺋﯽ ﻣﺸﻌﻞ ﺳﯽ ﻟﯿﮯ ﭼﻠﺘﺎ ﺗﮭﺎ

ﮨﺎﺋﮯ ﺍﺱ ﺷﺨﺺ ﮐﺎ ﮐﯿﺎ ﻧﺎﻡ ﺗﮭﺎ ﭘﻮﭼﮭﺎ ﺑﮭﯽ ﻧﮩﯿﮟ

ﺧﯿﺎﻝ ﺁﺗﮯ ﮨﯽ ﮐﻞ ﺷﺐ ﺗﺠﮭﮯ ﺑﮭﻼﻧﮯ ﮐﺎ

ﭼﺮﺍﻍ ﺑﺠﮫ ﮔﯿﺎ ﺟﯿﺴﮯ ﻣﺮﮮ ﺳﺮﮨﺎﻧﮯ ﮐﺎ

ﺯﻧﺠﯿﺮ ﮔﻞ ﻭ ﻻﻟﮧ ﭼﭙﮑﮯ ﺳﮯ ﮨﻼ ﺩﯾﻨﺎ

ﺍﮮ ﺑﺎﺩ ﺑﮩﺎﺭ ﺍﭘﻨﯽ ﺁﻣﺪ ﮐﺎ ﭘﺘﮧ ﺩﯾﻨﺎ

ﺍﯾﮏ ﺭﺍﺕ ﺁ ﭖ ﻧﮯ ﺍﻣﯿﺪ ﯾﮧ ﮐﯿﺎ ﺭﮐﮭﺎ ﮨﮯ

ﺁﺝ ﺗﮏ ﮨﻢ ﻧﮯ ﭼﺮﺍﻏﻮﮞ ﮐﻮ ﺟﻼ ﺭﮐﮭﺎ ﮨﮯ

ﺍﻥ ﺗﮭﮑﮯ ﮨﺎﺭﮮ ﭘﺮﻧﺪﻭﮞ ﮐﺎ ﺧﯿﺎﻝ ﺁﺗﺎ ﮨﮯ

ﺟﻮ ﮐﺴﯽ ﺑﺎﻡ ﭘﮧ ﻧﺎ ﭼﺎﺭﺍ ﺗﺮ ﭘﮍﺗﮯ ﮨﯿﮟ

ﻭﮦ ﻧﯿﺎﺯ ﻭ ﻧﺎﺯ ﮐﮯ ﻣﺮﺣﻠﮯ ﻧﮕﮧ ﻭ ﺳﺨﻦ ﺳﮯ ﭼﻠﮯ ﮔﺌﮯ

ﺗﺮ ﮮ ﺭﻧﮓ ﻭ ﺑﻮ ﮐﮯ ﻭﮦ ﻗﺎﻓﻠﮯ ﺗﺮﮮ ﭘﯿﺮﮨﻦ ﺳﮯ ﭼﻠﮯ ﮔﺌﮯ

ﺷﺎﺫ ﮐﮯ ﻣﺠﻤﻮﻋﮯ ’’ ﺗﺮﺍﺷﯿﺪﮦ ‘‘ ، ’’ ﻧﯿﻢ ﺧﻮﺍﺏ ‘‘ ، ’’ ﻭﺭﻕ ﺍﻧﺘﺨﺎﺏ ‘‘ ، ’’ ﺑﯿﺎﺽ ﺷﺎﻡ ‘‘ ﺟﺐ ﺗﮏ ﮨﯿﮟ ﺷﺎﺫ ﮐﺒﮭﯽ ﺑﮭﻼﺋﮯ ﻧﮧ ﺟﺎ ﺳﮑﯿﮟ ﮔﮯ۔ ﺷﺎﺫ ﮐﯽ ﻧﺜﺮ ﺑﮭﯽ ﺍﻥ ﮐﯽ ﻧﻈﻢ ﻭ ﻏﺰﻝ ﮐﯽ ﻃﺮﺡ ﮔﻞ ﮐﺎ ﺭ ﮨﻮﺍ ﮐﺮﺗﯽ ﺗﮭﯽ۔ ﺍﻧﮩﻮﮞ ﻧﮯ ﮐﺌﯽ ﮐﺘﺎﺑﻮﮞ ﭘﺮ ﺩﻟﭽﺴﭗ ﺍﻭﺭ ﻣﺪﻟﻞ ﺗﺒﺼﺮﮮ ﺑﮭﯽ ﮐﯿﺌﮯ۔ ﮐﺎﺵ ﻭﮦ ﺗﺒﺼﺮﮮ ﺑﮭﯽ ﮐﺘﺎﺑﯽ ﺻﻮﺭﺕ ﻣﯿﮟ ﺷﺎﺋﻊ ﮨﻮ ﺟﺎﺗﮯ۔ ﺷﺎﺫ ﻧﮯ ﺍﭘﻨﮯ ﻣﺤﺒﻮﺏ ﺷﺎﻋﺮ ﻣﺨﺪﻭﻡ ﻣﺤﯽ ﺍﻟﺪﯾﻦ ﮐﯽ ﺣﯿﺎﺕ ﺍﻭﺭ ﮐﺎﺭﻧﺎﻣﮯ ﮐﻮ ﺍﭘﻨﯽ ﭘﯽ ﺍﯾﭻ ﮈﯼ ﮐﺎ ﻣﻮﺿﻮﻉ ﺑﻨﺎﯾﺎ ﺍﻭﺭ ﺭﯾﺴﺮ ﭺ ﮐﺎ ﺣﻖ ﺍﺩﺍ ﮐﯿﺎ ۳۱ ﺟﻨﻮﺭﯼ ۱۹۳۳ﺀ ﮐﻮ ﺣﯿﺪﺭﺁﺑﺎﺩ ﮐﮯ ﺍﻓﻖ ﭘﺮ ﻃﻼﻉ ﮨﻮﻧﮯ ﻭﺍﻻ ﯾﮧ ﺳﻮﺭﺝ ۱۸۔ ﺍﮔﺴﺖ 1985 ﮐﻮ ﯾﮧ ﺷﮑﻮﮦ ﮐﺮﺗﺎ ﮨﻮﺍ ﮈﻭﺏ ﮔﯿﺎ۔

ﮔﮭﺮ ﻧﮯ ﺳﻤﺠﮭﺎ ﻧﮧ ﺍﺳﮯ ﺍﮨﻞ ﻭﻃﻦ ﻧﮯ ﺟﺎﻧﺎ

ﻣﯿﺮﺍ ﮔﮭﺮ ﺍﻭﺭ ﮨﯽ ﮨﮯ ﻣﯿﺮﺍ ﻭﻃﻦ ﺍﻭﺭ ﮨﯽ ﮨﮯ

ﯾﮧ ﺩﺭﺍﺻﻞ ﺍﯾﮏ ﻓﻦ ﮐﺎﺭ ﮐﯽ ﻧﺎ ﺁﺳﻮﺩﮔﯽ ﮨﮯ۔ ﻭﺭﻧﮧ ﺷﺎﺫ ﺗﻤﮑﻨﺖ ﮐﻮ ﮨﺮ ﺳﻄﺢ ﭘﺮ ﺟﻮ ﺷﮩﺮﺕ ﻭ ﻋﺰﺕ ﻣﻠﯽ ﻭﮦ ﺑﮩﺖ ﮐﻢ ﺷﺎﻋﺮﻭﮞ ﮐﮯ ﺣﺼﮯ ﻣﯿﮟ ﺁﺗﯽ ﮨﮯ۔ ﺩﮐﻦ ﮐﺎ ﯾﮧ ﺍﻧﻤﻮﻝ ﺭﺗﻦ ﻟﮑﮭﻨﺆ ﮐﮯ ﻣﺠﺎﺯ ﺑﮭﻮﭘﺎﻝ ﮐﮯ ﺩﺷﯿﻨﺖ ﮐﻤﺎﺭ ﺍﻭﺭ ﺩﮨﻠﯽ ﮐﮯ ﻧﺮﯾﺶ ﮐﻤﺎﺭ ﺷﺎﺩ ﮐﮯ ﭘﯿﭽﮭﮯ ﭘﯿﭽﮭﮯ ﺍﺱ ﺳﻔﺮ ﭘﺮ ﻧﮑﻞ ﮔﯿﺎ ﺟﮩﺎﮞ ﺳﮯ ﻟﻮﭦ ﮐﺮ ﮐﻮﺋﯽ ﻧﮩﯿﮟ ﺁﺗﺎ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

منتخب کلام:

ﺧﻮﺍﺭ ﻭ ﺭُﺳﻮﺍ ﺗﮭﮯ ﯾﮩﺎﮞ ﺍﮨﻞِ ﺳُﺨﻦ ﭘﮩﻠﮯ ﺑﮭﯽ

ﺍﯾﺴﺎ ﮨﯽ ﮐُﭽﮫ ﺗﮭﺎ ﺯﻣﺎﻧﮯ ﮐﺎ ﭼﻠﻦ ، ﭘﮩﻠﮯ ﺑﮭﯽ

ﻣُﺪّﺗﻮﮞ ﺑﻌﺪ ﺗﺠﮭﮯ ﺩﯾﮑﮫ ﮐﮯ ﯾﺎﺩ ﺁﺗﺎ ﮨﮯ

ﻣَﯿﮟ ﻧﮯ ﺳِﯿﮑﮭﺎ ﺗﮭﺎ ﻟﮩُﻮ ﺭﻭﻧﮯ ﮐﺎ ﻓﻦ ﭘﮩﻠﮯ ﺑﮭﯽ

ﮨﻢ ﻧﮯ ﺑﮭﯽ ﭘﺎﯾﺎ ﯾﮩﺎﮞ ﺧِﻠﻌَﺖِ ﺳﻨﮓ ﻭ ﺩُﺷﻨﺎﻡ

ﻭﺿﻌﺪﺍﺭ ﺍﯾﺴﮯ ﮨﯽ ﺗﮭﮯ ﺍﮨﻞِ ﻭﻃﻦ ﭘﮩﻠﮯ ﺑﮭﯽ

ﺩِﻟﻨﻮﺍﺯ ﺁﺝ ﺑﮭﯽ ﮨﮯ ﻧِﯿﻢ ﻧِﮕﺎﮨﯽ ﺗﯿﺮﯼ

ﺩِﻝ ﺷﮑﻦ ﺗﮭﺎ ﺗِﺮﺍ ﺑﮯ ﺳﺎﺧﺘﮧ ﭘﻦ ﭘﮩﻠﮯ ﺑﮭﯽ

ﭼﺎﭖ ﺧﻮﺍﺑﻮﮞ ﮐﯽ ﺳُﻨﯽ ﺗﮭﯽ، ﮐﻮﺋﯽ ﺁﯾﺎ ﻧﮧ ﮔﯿﺎ

ﺳﻨﺴﻨﺎﺗﺎ ﺗﮭﺎ ﻣِﺮﯼ ﻧﯿﻨﺪﻭﮞ ﮐﺎ ﺑَﻦ ﭘﮩﻠﮯ ﺑﮭﯽ

ﺁﺝ ﺍِﺱ ﻃﺮﺡ ﻣِﻼ ﺗُﻮ، ﮐﮧ ﻟﮩُﻮ ﺟﺎﮒ ﺍُﭨﮭﺎ

ﯾُﻮﮞ ﺗﻮ ﺁﺗﯽ ﺭﮨﯽ ﺧﻮﺷﺒﻮﺋﮯ ﺑﺪﻥ ﭘﮩﻠﮯ ﺑﮭﯽ

ﺷﺎؔﺫ ! ﻭﮦ ﺟﺎﻧﮯ ﮔﺎ ﺍُﻥ ﺁﻧﮑﮭﻮﮞ ﻣﯿﮟ ﮐﯿﺎ ﮐﯿﺎ ﮐُﭽﮫ ﮨﮯ

ﺟِﺲ ﻧﮯ ﺩﯾﮑﮭﯽ ﮨﻮ، ﺍُﻥ ﺁﻧﮑﮭﻮﮞ ﮐﯽ ﺗﮭﮑﻦ ﭘﮩﻠﮯ ﺑﮭﯽ

۔۔۔۔۔۔۔۔۔۔۔۔۔۔۔

ﻣﯿﮟ ﺗﻮ ﭼُﭗ ﺗﮭﺎ ﻣﮕﺮ ﺍُﺱ ﻧﮯ ﺑﮭﯽ ﺳُﻨﺎﻧﮯ ﻧﮧ ﺩِﯾﺎ

ﻏﻢِ ﺩُﻧﯿﺎ ﮐﺎ ﮐﻮﺋﯽ ﺫﮐﺮ ﺗﮏ ﺁﻧﮯ ﻧﮧ ﺩِﯾﺎ

ﺍُﺱ ﮐﺎ ﺯﮨﺮﺁﺑۂ ﭘَﯿﮑﺮ ﮨﮯ ﻣِﺮﯼ ﺭﮒ ﺭﮒ ﻣﯿﮟ

ﺍُﺱ ﮐﯽ ﯾﺎﺩﻭﮞ ﻧﮯ ﻣﮕﺮ ﮨﺎﺗﮫ ﻟﮕﺎﻧﮯ ﻧﮧ ﺩِﯾﺎ

ﺍُﺱ ﻧﮯ ﺩُﻭﺭﯼ ﮐﯽ ﺑﮭﯽ ﺣﺪ ﮐﮭﯿﻨﭻ ﺭﮐﮭﯽ ﮨﮯ ﮔﻮﯾﺎ

ﮐُﭽﮫ ﺧﯿﺎﻻﺕ ﺳﮯ ﺁﮔﮯ ﻣﺠﮭﮯ ﺟﺎﻧﮯ ﻧﮧ ﺩِﯾﺎ

ﺑﺎﺩﺑﺎﻥ ﺍﭘﻨﮯ ﺳﻔِﯿﻨﮯ ﮐﺎ ﺫﺭﺍ ﺳﯽ ﻟﯿﺘﮯ

ﻭﻗﺖ ﺍِﺗﻨﺎ ﺑﮭﯽ ﺯﻣﺎﻧﮯ ﮐﯽ ﮨَﻮﺍ ﻧﮯ ﻧﮧ ﺩِﯾﺎ

ﻭﮨﯽ ﺍﻧﻌﺎﻡ ! ﺯﻣﺎﻧﮧ ﺳﮯ ﺟﺴﮯ ﻣِﻠﻨﺎ ﺗﮭﺎ

ﻟﻮﮒ ﻣﻌﺼُﻮﻡ ﮨﯿﮟ، ﮐﮩﺘﮯ ﮨﯿﮟ ﺧﺪﺍ ﻧﮯ ﻧﮧ ﺩِﯾﺎ

ﮐﻮﺋﯽ ﻓﺮﯾﺎﺩ ﮐﺮﮮ ﮔﻮُﻧﺞ ﻣِﺮﮮ ﺩِﻝ ﺳﮯ ﺍُﭨﮭﮯ

ﻣﻮﻗﻊِ ﺩﺭﺩ ﮐﺒﮭﯽ ﮨﺎﺗﮫ ﺳﮯ ﺟﺎﻧﮯ ﻧﮧ ﺩِﯾﺎ

ﺷﺎﺫ ! ﺍِﮎ ﺩﺭﺩ ﺳﮯ ﺳﻮ ﺩﺭﺩ ﮐﮯ ﺭﺷﺘﮯ ﻧِﮑﻠﮯ

ﮐِﻦ ﻣﺼﺎﺋﺐ ﻧﮯ ﺍُﺳﮯ ﺟﯽ ﺳﮯ ﺑُﮭﻼﻧﮯ ﻧﮧ ﺩِﯾﺎ

۔۔۔۔۔۔۔۔۔۔۔۔۔۔۔

ﻭﻓﺎ ﮐﺎ ﺫﮐﺮ ﮨﯽ ﮐﯿﺎ ﮨﮯ ﺟﻔﺎ ﺑﮭﯽ ﺭﺍﺱ ﺁﺋﮯ

ﻭﮦ ﻣﺴﮑﺮﺍﺋﮯ ﺗﻮ ﺟﺮﻡِ ﺧﻄﺎ ﺑﮭﯽ ﺭﺍﺱ ﺍﺋﮯ

ﻭﻃﻦ ﻣﯿﮟ ﺭﮨﺘﮯ ﮨﻢ ﯾﮧ ﺷﺮﻑ ﮨﯽ ﮐﯿﺎ ﮐﻢ ﮨﮯ

ﯾﮧ ﮐﯿﺎ ﺿﺮﻭﺭ ﮐﮧ ﺁﺏ ﻭ ﮨﻮﺍ ﺑﮭﯽ ﺭﺍﺱ ﺁﺋﮯ

ﮨﺘﮭﯿﻠﯿﺎﮞ ﮨﯿﮟ ﺗﺮﯼ ﻟﻮﺡِ ﻧﻮﺭ ﮐﯽ ﻣﺎﻧﻨﺪ

ﺧﺪﺍ ﮐﺮﮮ ﺗﺠﮭﮯ ﺭﻧﮓِ ﺣﻨﺎ ﺑﮭﯽ ﺭﺍﺱ ﺁﺋﮯ

ﺩﻭﺍ ﺗﻮ ﺧﯿﺮ ﮨﺰﺍﺭﻭﮞ ﮐﻮ ﺭﺍﺱ ﺁﺋﮯ ﮔﯽ

ﻣﺰﮦ ﺗﻮ ﺟﯿﻨﮯ ﮐﺎ ﺟﺐ ﮨﮯ ﺷﻔﺎ ﺑﮭﯽ ﺭﺍﺱ ﺁﺋﮯ

ﺗﻮ ﭘﮭﺮ ﯾﮧ ﺁﺩﻣﯽ ﺧﻮﺩ ﮐﻮ ﺧﺪﺍ ﺳﻤﺠﮭﻨﮯ ﻟﮕﮯ

ﺍﮔﺮ ﯾﮧ ﻋﻤﺮِ ﮔﺮﯾﺰﺍﮞ ﺫﺭﺍ ﺑﮭﯽ ﺭﺍﺱ ﺁﺋﮯ

ﺍﺏ ﺍﺱ ﻗﺪﺭ ﺑﮭﯽ ﻧﮧ ﮐﺮ ﺟﺴﺘﺠﻮﺋﮯ ﺁﺏِ ﺑﻘﺎ

ﮔﻞِ ﮨﻨﺮ ﮨﮯ ﺗﻮ ﺑﺎﺩِ ﻓﻨﺎ ﺑﮭﯽ ﺭﺍﺱ ﺁﺋﮯ

ﯾﮧ ﺗﺮﺍ ﺭﻧﮓِ ﺳﺨﻦ ﺗﺮﺍ ﺑﺎﻧﮑﭙﻦ ﺍﮮ ﺷﺎﺫ

ﮐﮧ ﺷﻌﺮ ﺭﺍﺱ ﺗﻮ ﺁﺋﮯ ﺍﻧﺎ ﺑﮭﯽ ﺭﺍﺱ ﺁﺋﮯ

۔۔۔۔۔۔۔۔۔۔۔۔۔۔۔

ﺷﺐ ﻭﻋﺪﮦ ﮐﮩﮧ ﮔﺌﯽ ﮨﮯ ﺷﺐ ﻏﻢ ﺩﺭﺍﺯ ﺭﮐﮭﻨﺎ

ﺍﺳﮯ ﻣﯿﮟ ﺑﮭﯽ ﺭﺍﺯ ﺭﮐﮭﻮﮞ ﺍﺳﮯ ﺗﻢ ﺑﮭﯽ ﺭﺍﺯ ﺭﮐﮭﻨﺎ

ﯾﮧ ﮨﮯ ﺧﺎﺭ ﺧﺎﺭ ﻭﺍﺩﯼ ﯾﻮﮞ ﮨﯽ ﺯﺧﻢ ﺯﺧﻢ ﭼﻠﻨﺎ

ﯾﮧ ﮨﮯ ﭘﺘﮭﺮﻭﮞ ﮐﯽ ﺑﺴﺘﯽ ﯾﻮﮞ ﮨﯽ ﺩﻝ ﮔﺪﺍﺯ ﺭﮐﮭﻨﺎ

ﮨﻤﮧ ﺗﻦ ﺟﻨﻮﮞ ﮨﻮﮞ ﭘﮭﺮ ﺑﮭﯽ ﺭﮨﮯ ﮐﭽﮫ ﺗﻮ ﭘﺮﺩﮦ ﺩﺍﺭﯼ

ﮐﮧ ﺑﺮﺍ ﻧﮩﯿﮟ ﺧﺮﺩ ﺳﮯ ﮐﻮﺋﯽ ﺳﺎﺯ ﺑﺎﺯ ﺭﮐﮭﻨﺎ

ﻣﺮﮮ ﻧﺎﺧﻦ ﻭﻓﺎ ﭘﺮ ﮐﻮﺋﯽ ﻗﺮﺽ ﺭﮦ ﻧﮧ ﺟﺎﺋﮯ

ﺗﺮﮮ ﺩﻝ ﻣﯿﮟ ﺟﻮ ﮔﺮﮦ ﮨﮯ ﺍﺳﮯ ﻧﯿﻢ ﺑﺎﺯ ﺭﮐﮭﻨﺎ

ﻭﮨﯽ ﻟﮯ ﺟﻮ ﺍﻥ ﺳﻨﯽ ﺑﮭﯽ ﻭﮨﯽ ﺷﺎﺫؔ ﻧﻐﻤﮕﯽ ﺑﮭﯽ

ﯾﮧ ﺣﺴﺎﺏ ﺧﺎﻣﺸﯽ ﺑﮭﯽ ﻣﺮﮮ ﻧﮯ ﻧﻮﺍﺯ ﺭﮐﮭﻨﺎ

۔۔۔۔۔۔۔۔۔۔۔۔۔۔

ہم زاد

ﻭﮦ ﺍﮎ ﺷﺨﺺ ﺟﺲ ﮐﯽ ﺷﺒﺎﮨﺖ ﺳﮯ ﻣﺠﮫ ﮐﻮ

ﺑﮩﺖ ﺧﻮﺍﺭ ﻭ ﺷﺮﻣﻨﺪﮦ ﮨﻮﻧﺎ ﭘﮍﺍ ﺗﮭﺎ

ﻗﺒﺎ ﺭﻭﺡ ﮐﯽ ﻣﻠﮕﺠﯽ ﮨﻮ ﮔﺌﯽ ﺗﮭﯽ

ﮐﺌﯽ ﺑﺎﺭ ﺩﺍﻣﻦ ﮐﻮ ﺩﮬﻮﻧﺎ ﭘﮍﺍ ﺗﮭﺎ

ﻭﮦ ﻣﺠﮫ ﺟﯿﺴﯽ ﺁﻧﮑﮭﯿﮟ ﺟﺒﯿﮟ ﮨﻮﻧﭧ ﺍﺑﺮﻭ

ﮐﮧ ﺑﺎﻗﯽ ﻧﮧ ﺗﮭﺎ ﮐﭽﮫ ﺑﮭﯽ ﻓﺮﻕ ﻣﻦ ﻭ ﺗﻮ

ﻭﮨﯽ ﭼﺎﻝ ﺁﻭﺍﺯ ﻗﺪ ﺭﻧﮓ ﻣﺪﮬﻢ

ﻭﮨﯽ ﻃﺮﺯ ﮔﻔﺘﺎﺭ ﭨﮭﮩﺮﺍﺅ ﮐﻢ ﮐﻢ

ﺧﺪﺍ ﺟﺎﻧﮯ ﮐﯿﺎ ﮐﯿﺎ ﻣﺸﺎﻏﻞ ﺗﮭﮯ ﺍﺱ ﮐﮯ

ﻣﺮﮮ ﭘﺎﺱ ﻟﻮﮒ ﺁﺋﮯ ﺁ ﺁ ﮐﮯ ﻟﻮﭨﮯ

ﮐﺌﯽ ﻣﺠﮫ ﺳﮯ ﺍﻟﺠﮭﮯ ﮐﺌﯽ ﻣﺠﮫ ﺳﮯ ﺟﮭﮕﮍﮮ

ﻣﯿﮟ ﺭﻭﺗﺎ ﺭﮨﺎ ﺑﮯ ﮔﻨﺎﮨﯽ ﮐﺎ ﺭﻭﻧﺎ

ﻣﺮﮮ ﺟﺮﻡ ﭘﺮ ﻟﻮﮒ ﺗﮭﮯ ﻗﮩﻘﮩﮧ ﺯﻥ

ﻧﮧ ﮐﺎﻡ ﺁﯾﺎ ﺍﭘﻨﯽ ﺗﺒﺎﮨﯽ ﮐﺎ ﺭﻭﻧﺎ

ﻭﮦ ﻇﻠﻤﺖ ﻣﯿﮟ ﭼﮭﭗ ﭼﮭﭗ ﮐﮯ ﺩﻥ ﮐﺎﭨﺘﺎ ﺗﮭﺎ

ﻣﯿﮟ ﺩﻥ ﮐﮯ ﺍﺟﺎﻟﮯ ﻣﯿﮟ ﻣﺎﺭﺍ ﮔﯿﺎ ﺗﮭﺎ

ﺳﻨﺎ ﺭﺍﺕ ﻭﮦ ﻣﺮ ﮔﯿﺎ ﮐﯿﺎ ﻏﻀﺐ ﮨﮯ

ﺍﺳﮯ ﺩﻓﻦ ﮐﺮ ﺁﺋﮯ ﻟﻮﮔﻮﮞ ﮐﻮ ﺩﯾﮑﮭﻮ

ﻣﯿﮟ ﮐﻢ ﺑﺨﺖ ﻧﻈﺮﻭﮞ ﺳﮯ ﺍﻭﺟﮭﻞ ﮨﯽ ﮐﺐ ﺗﮭﺎ

ﯾﮧ ﮐﯿﺎ ﮐﺮ ﺩﯾﺎ ﮨﺎﺋﮯ ﻟﻮﮔﻮﮞ ﮐﻮ ﺩﯾﮑﮭﻮ

۔۔۔۔۔۔۔۔۔۔۔۔۔۔۔

خوف کا صحرا

ﮐﯿﺎ ﮨﻮﺍ ﺷﻮﻕ ﻓﻀﻮﻝ

ﮐﯿﺎ ﮨﻮﺋﯽ ﺟﺮﺃﺕ ﺭﻧﺪﺍﻧﮧ ﻣﺮﯼ

ﻣﺠﮫ ﭘﮧ ﮐﯿﻮﮞ ﮨﻨﺴﺘﯽ ﮨﮯ ﺗﻌﻤﯿﺮ ﺻﻨﻢ ﺧﺎﻧﮧ ﻣﺮﯼ

ﭘﮭﺮ ﮐﻮﺋﯽ ﺑﺎﺩ ﺟﻨﻮﮞ ﺗﯿﺰ ﮐﺮﮮ

ﺁﮔﮩﯽ ﮨﮯ ﮐﮧ ﭼﺮﺍﻏﻮﮞ ﮐﻮ ﺟﻼﺗﯽ ﮨﯽ ﭼﻠﯽ ﺟﺎﺗﯽ

ﮨﮯ

ﺩﻭﺭ ﺗﮏ ﺧﻮﻑ ﮐﺎ ﺻﺤﺮﺍ ﻧﻈﺮ ﺁﺗﺎ ﮨﮯ ﻣﺠﮭﮯ

ﺍﻭﺭ ﺍﺏ ﺳﻮﭼﺘﺎ ﮨﻮﮞ ﻓﮑﺮ ﮐﯽ ﺍﺱ ﻣﻨﺰﻝ ﻣﯿﮟ

ﻋﺸﻖ ﮐﯿﻮﮞ ﻋﻘﻞ ﮐﯽ ﺩﯾﻮﺍﺭ ﺳﮯ ﺳﺮ ﭨﮑﺮﺍ ﮐﺮ

ﺍﭘﻨﮯ ﻣﺎﺗﮭﮯ ﺳﮯ ﻟﮩﻮ ﭘﻮﻧﭽﮫ ﮐﮯ ﮨﻨﺲ ﭘﮍﺗﺎ ﮨﮯ