عالمی شہرت یافتہ پاکستانی مصور احمد سعید ناگی

عالمی شہرت یافتہ پاکستانی مصور احمد سعید ناگی 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

احمد سعید ناگی پاکستان سے تعلق رکھنے والے عالمی شہرت یافتہ مصور تھے۔ انہیں تحریک پاکستان کا سرکاری مصور ہونے کی وجہ سے شہرت حاصل ہے۔

احمد سعید ناگی 2 فروری، 1916ء کوامرتسر، برطانوی ہندوستان میں پیدا ہوئے۔انہوں نے امرتسر، لاہور، دہلی اور پیرس میں تعلیم پائی۔ 1944ء میں انہیں قائداعظم محمد علی جناح کو روبرو بٹھا کر ان کا پورٹریٹ بنانے کا اعزاز حاصل ہوا۔ احمد سعید ناگی کی مصوری کی نمائش پیرس، لندن، لوزان، نیویارک، زغرب، تہران، دہلی، شملہ، لاہور اور کراچی شہروں میں ہوچکی تھی۔ ان کی بنائی ہوئی پینٹنگز زیارت ریذیڈنسی، گورنر ہاؤس کوئٹہ، گورنر ہاؤس کراچی، موہٹہ پیلس، قصر ناز، گورنر ہاؤس پشاور اور پنجاب اسمبلی بلڈنگ لاہور میں آویزاں ہیں۔انہیں تحریک پاکستان کا سرکاری مصور بھی کہا جاتا ہے۔حکومت پاکستان نے ان کی خدمات کے اعتراف کے طور پر انہیں 14 اگست، 1990ء کو صدارتی تمغا برائے حسن کارکردگی عطا کیا۔

احمد سعید ناگی یکم ستمبر، 2006ء کو کراچی میں وفات پا گئے۔

۔۔۔۔۔۔۔۔۔۔۔۔۔۔۔۔

قائداعظمؒ کا پورٹریٹ واحد مسلم لیگی آرٹسٹ احمد سعید ناگی نے تحریک پاکستان کے دنوں میں بنایا اور قائداعظمؒ نے انہیں ایک مقررہ وقت دیا اور بیٹھ کر اپنا پورٹریٹ بنایا۔ قائداعظم کو وہ پورٹریٹ بہت پسند آیا۔ اور 1947ء سے 1977ء تک قائداعظم کا یہ پورٹریٹ سرکاری قرار پایا۔ اور ہر سرکاری عمارت اور تمام سفارت خانوں میں لگایا گیا۔ جس میں قائد کے چہرے کے تمام نقش و نگار بالکل اصل حالت میں دکھائے گئے ہیں۔ یہ پورٹریٹ بہت سارے پاکستانیوں کو یاد ہوگا۔ ضیاء الحق نے قائد کے اس آفیشنل پورٹریٹ کو تبدیل کردیا۔ حالانکہ جو تصویر قائداعظم نے خود بیٹھ کر بنوائی ہو۔ اس کی قدرومنزلت کہیں زیادہ ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بشکریہ خالد محمود